Estatü frantsesak, aski entzüten da, lürralde antolaketa berria eztabaidatzen dü aste hontan Senadoan. Oraiko kantonamentüak moldatürik izaten ahal lirateke, eta izan dadin esküinean ala ezkerrean, politikariengan arrenküra hanitx sortzen dütü. Erran behar da estatu frantseseko 6000 haütetsietarik 3000etara iragan behar liratekeala. Eskualde eta departamentüko haütetsientako, kanbiamen handiena izenarena litzateke, lürralde kontseilari deitüko beitlirateke.
Bena erran bezala kantonamentüak irauliko dütü. Bizizale kopürüaren araberako kantonamentü berriak sortzen ahal lirateke. Horrek erran nahi lüke Maule eta Atharratzeko kantonamentüak desagertzen ahal liratekeala, üngürüko eskualdeekin üztartürik izateko. Hargatik irüdian ageri diren bi kontseilari orokorrak Jean Pierra "Pepela" Mirande Maulekoa eta Mixel Arrantzet Atharratzekoa erreformaren kontrakoak dira.
Entzün argibideak Lolek emanik :
Entzün Mixel Arrantzet :
Entzün Jean Pierra "Pepela" Mirande :
