Zer energia Xiberoan? lema pean, Azia eta Prefosta alkarteek hitzordü bat proposatzen deiküe gaurko. Atarratzen date, gaüko 8etan Xaho trinketean. Gei hortaz lagün arteko solasak egiten direlakoz düe bi elkarteek hitzordü honen egiteko gogoa üken. Kümiten aldetik, Alozeko aüzapeza den Jean Pelle Iriart egürraren baliatzeaz ariko da, hurraren egartea dela eta, SHEM-eko norbait agertüko da. Bestelako energia ütürriak direla eta, “Energie d’ici” egitürako ordezkari bat badate. Azkenik, leküko energia ütürriak noren eskü diren aipatzeko, Izurako aüzapeza agertüko da, bai eta I-Ener Ipar E.H. Indar elektriko ekoizlea.. Hitzordüa, gaur berean Atarratzeko Xaho trinketean, arratseko 8etan. Marie Annick Jaury :

3 urteko lana egin eta, "Xiberoko lanbideen gida libürüa" presentatü dü AZIA alkarteak. Enpresa bürü, langile, ikasle, irakasle edo orano haütetsi, parte harzaleak oro egin den lanaz gozatü eta harritü dira. Zenbaki, statistika eta analisa xehe bat proposatürik izan zaüe. Markatzen diren zenbakietan, Xiberoko ekonomian industriak 100ko 40a pezatzen dü, Ipar Euskal herriko heinean aldiz, enplegü orrokorren 100ko 4a da Xiberoa, hotx Aturri Errobiko lürraldearen ber heina! Zenbaki horiekin, erakutsi nahi zen ez zela konplexarik egiteko eta bazela lan franko Xiberoan Horren probatzeko "xiberoko lanbiden gida" tresna inportant bat izanen da, enpresa eta eskolen harreman horren hobetzeko, hots lurraldean indartzeko. Hori ziren, ikasle, erakasle eta entrepresa bürü zonbaiter mikroa lüzatü deiegü :

Aitzineko astean izenak emaiten ahalko dira arialdi edo talde desbardinetan. Bestalde berritarzünetan üda hontan Triatlonarentzat trebatzeko parada badate, igeskagia sailan prefosta. Beste berritarzüna date Euskal alkargoak igeskagien eskümena hartu düala, bena horrek antolaketan baizik ez düke eragina, hots hebenko erabilzaleak ez dira ohartüko ere. Bestalde igeskagia taldeak iragan urtean bezain emaitz honak biltzen eseiatüko dü. René Castel :

Xiberoko Azia alkarteak lanbideen gida libürüa presentatüko dü neskenegunean Irabarneko jauregian. 117 ostoko libürü honen lehen helbürüa da xiberoko gazteek jakin dezen zoin lan baden xiberoan berean. Ikasketen haütatzeko mementoan, nahi badüe, kontutan hartürik izan ditian xiberoko entrepresen beharrak .Goizaldian izanen dira lekükotarzunak, bideoak eta eztabadak, geroarentako bide zonbait proposatüko dira hala nula, ekonomia berdea. Hitzordüa apirila 7an goizanko 9 etan Irabarneko jauregian. Azia alkarteko Joana Hoqui eta Maider Larrory :