- Laborantxa / Üngüramena
- Agerraldiak: 3140
FDSEAko ordezkariak Xiberoan
FDSEA laborari sindikataren biltzarratik landa, bi ordezkari berri dütü Xiberoan sindikata honek. Basabürüan, Sébastien Uthurriague Larraineko aüzapez laboraria izentatürik izan da. Ordezkari kargüaz gain, sindikataren bortüko laborantsako batzordearen bürüa da orai. Pettarrako, Idauze-Mendiko Marina Lafitte izentatürik izan da. 2005an plantatü da etxekoen etxaltean. Behi gorriak, artoa eta zerealak ekoizten dütü. Erran deikünaz bere aita zenaren segida hartzen dü sindikalismoan. Sindikatan, Xiberoko laborantsako interesen defentsa date bere egin beharra eta laborari güziekin lan egin beharko dela azpimarratü deikü.
Entzün Marina Lafitte Idauze-Mendiko laborarisa :
ASA Xiberoak, oihan pribatüen jabekin alkarlanean ari den alkarteak badü lan 2012an. Izan dadin 7 Kilometrako oihan bide baten egitea Montorin eta Hauzen, lantatze ezbardinak egin eta desafio nausia izanen dena alkarteko animazailearen etxikitzea, 2012an ürrentzen beita kontratüa. Azken honek dü lan güzia eramaiten, oihan nausiekin harremanak, diagnostikak egitea, formakuntzak antolatzea eta lantatze lanen eramaitea, besteak beste. Bestalde, kotisazioneak 20€tan egoiten dira eta 5 urtez pakatü düenek urte oroz berritzeko parada dütüe.
Kontseilü jeneralak ardi saila süstengatzen düala eta bereziki sor marka ! hona zer erakutsi nahi izan den martxoaren 10an Pauen egin den biltzarran. 50 bat jenteek parte hartu düe biltzarran , Georges Labazée Lehendakariaren üngürüan Frantxoa Maitia Garaziko kontselüa eta Frederique Espaignac senadore anderea. Eüskal-Herriko Laborantsa Kanbera, Sor marka, ELB sindikata edo Interprofezioneko ordezkariak ziren nausiki. Ardi saileko partaide haboroxenek parte hartü balinbadüe, haatik, indüstrial handienak ez ziren hor. Hortaz damütü da Patrick Etchegaray Interprofezioneko lehendakaria. Azken hilabeteetako güdükak CLPB eta indüstrialen artean berriz aipatü nahi izan dütü Xabi Lopepe, CLPB eta ELB-ko ordezkariak. Ardi saila bide kürütxada batetan da, Kontseilü Jeneralak bi helbürü ezarten dütü, leküko mozkina eta sor markaren azkarki süstengatzea. Indüstrialak beste behin errezebitüko dütüala hitzeman dü Kontseilü Jeneraleko lehendakariak.
Jentea lürraren errealitatetik geroago eta hürrünago bizi delakoz ikuspüntütik abiatüz eta laborari etxea formakuntza güne izaten ahal delakoz, düala urte eterdi sortü da 
Iragan astelehenaz geroztik ofiziala da, Garazi eta Xiberoko laborantsa kooperatifek bat egin düe. "Mendikoa" egitüraren baitan jüntatü dira. Bazen jadanik 2 urte erosteak algarrekin egiten zütüela. Ildo hortan jarraikitzeko eta fresen ttipitzeko xedez joan dira bürüalano beraz Mendikoa sortüz. Laborariek ez düe kanbiamenik berehala senditüko bena Mendikoako ardüradünek esperantxa düe aski fite prezio hobeagoak eskentzen ahalko dütüela. Azkenik, xede zonbait badütü ere Mendikoak, hala nola heben ekoiztürik den artoa xüxenka saltzea eta plantatzen diren laborari gazteen lagüntzea, lür analizak bere gain hartzez edo prezio apalagoak eskentzez.