Aldebatetik FO, CGT eta FSU-ek berena eginen düe, eta bestetik, LAB, ELB, SUD Solidaire, gei Linkyaren kontrako kolektiboa, BDS, Aitzina gazte mugimentüa, « Etxarri » deitü kolektiboa, Zinka bizirik, Üztaro eta Xiberoots müsika taldea. FO, CGT eta FSU en aldarrikapenak, zerbütxü püblikoaren etxekitzearen aldekoak dira, eta ororen bürü, Emmanuel Macronen gorbernüak hartü norabide liberalari bürü egitekoak. Beste deizale multxoaren lema, « Gerlarik ez popülüen artean, eta bakerik ez klasen artean » balin bada, errepresio polizialaren salatzeak ere izanen dira, gogoan hartürik, azkenik Notre-Dame-des-Landes, eta ünibersitate zonbaitetan izan diren polizia operazio bortitzak… FO, CGT eta FSU goizeko 9ak eterditan bildüko dira Mauleko zerbütxü güne aitzinean, besteak aldiz, ber tenorean, bena Mauleko plazako kioskoan. Karrika ützüliak, 11 orenetarik aitzina eginen dira. Eta ondotik bazkari bat date Zinka Ostatüan. LAB-eko Atzina Mazusta :

Xiberoko Maule eta Deux-Sèvres esküaldeko Mauleren arteko parezkatzeak beste ürrats bat egin dü eta bi aüzapezak errezebitürik izan dira Akitania berriko egoitzan. Esküaldeak ; bordeleko egoitzan, totem edo 2 hirien sinbolo bat ezarriko dü, Maulen egin espartina berezi bat erosiko eta bi laborantxa lizeoen arteko xede pedagojikoak lagüntüko dütü ! 2016 an abiatü zen 2 hirien arteko partaidetza, 510 km balinbada 2en artean nahikünte azkarra düe alkarrekin lanean aritzeko. Mixel Etxebest aüzapeza :

Neskenegünean Notre Dame Des Landes-eko ZAD-aren süstenguz egünaldi bat antolatürik izanen da Maulen. Goizean merkatüa izanki, han berean dantza, kantore, eta mintzaldi izanen dira 11etarik aitzina. Handik arrajinik diren zonbaitek egiazki zer igaiten den kontatzen ahalko düe, hedabideetan dena ez beita ontsa aurkeztürik. Bestalde jateko eta edateko badate, arrestitan kantore dantza eta jokü proposatürik date ; eta arratsan kontzertü bat bada Mauleko Zinka ostatüan ; Pariseko « Echo doppler » DUB estiloko müsika taldea ariko da. Jon Foucher eta Niko Guiresse :

Brasilen bada laborantxako lür peza ederrik. Alta parte hon bat ez Bresildarren eskü. Nahiz Bresileko konstitüzioak, funtzio sozialak betetzen ez dütüan lür jabe bat lür horietaz desjabatü ahal, errealiatea bestelakoa da. Monsanto, Bayer Nestle bezalako munstroak dira laborari eremüen jabe. Horier bürü egiteko, « Mugimientu sin tierra « bezalako alkarteak sortü dira Brasilen, helbürüa direlarik Multinazionalen jabe diren lurren oküpatzea eta erabiltea. 2 milioi Bresildarez goiti borroka hortan ari dira. Hortaz berri emaitera agertüko da Askapena mugimentü internasionalista euskaldüneko kide den Jaione Dorai, ostiral arrats hontan mauleko Zinka ostatatüala… 8etarik goiti. Jaione Dorai :