Dagün igantean, azaroaren 20an, izanen da esküinaren primarioen lehen ützülia ; 7 haütageiren artean haütatü beharko dira bigerren ützülialako bi lehiakideak. 116 bozka bülego badate departamentüan, Xiberoan 3 günetan botza emaiten ahal datekealarik. Basabürüarentako Atharratzeko Herriko Etxean eta Petarrarentako aldiz Mauleko Zerbütxügünearen Irati bilgian. Goizanko 8etarik arratseko 7ak arte zabalik dirate eta bozka dener zabalik da. Parte hartzeko beharko da nortarzün ageria erakutsi, esküinaren eta zentroaren peretxuen edo baloreen hitzarmena izenpetü eta azkenik 2 euro pakatü. Igante arratsean 7etarik goiti zonbakatzea eginen da eta emaitzak segidan Pariserat igorriko ; Bi oren beitüküe haütageiek, dei egiteko sekülan arau hauste zerbait salatürik bada.
Olivier Carasco :

Igaran astean Santa Grazin agitü sütearen ondotik, herria  ari da antolaka baten plantatzen, beharretan den familiaren lagüntzeko. Alde batetik, mobil homme delako bat ahal bezain laster behar lizate eta bestalde, arropa edo etxeko tresnadüra biltze bat eginen da eta sos biltzeko kontü bat ere zabaltüko da. Xiberoa-Herri Alkargoako bilküran aipatürik izan da eta lagüntza hitzeman da bestalde, alkarte bat sortu da “solidarité Santazi” izenarekin. Nork nahik  zerbait egiten ahal dü familiaren lagüntzeko eta xehetarzünak galtegiten ahal dira Herriko Etxean 0559286083ala deitzez. Kantaldi bat antolatürik date ere azaroaren 18an, Ligiko gelan.
Michel Secalot :

Aste bat barne bigerren etxe bat sütan joan da Xiberoan! Aldi huntan Mitikilen, herriaren sargian den etxe batetan, süa abiatü da bizigia batetarik. Deiadarra emanik izan da goizanko oren bakotxa eta erditan eta astelehen egüerdi arte sü ehaileak egon dira dena segürtatu arte. Bi familia bizi ziren hor, eta süari ezkapi ahal izan dira. Denak alojatürik izan dira beren familietan. Mitikileko herria ari da antolatzen familien alojatzeko herrian berean eta behar dütüen arropa eta tresneria biltzen.
Lagüntza ekarteko xehetarzünak galtegin behar dira Herriko Etxean: 05 59 28 42 76zenbakiala deitzez.
Jean Michel Prat auzapeza :

Urtarilatik harat, zer bilakatüko dira oraiko herri alkargoek zütüen konpetentziak? Zer baratüko da beren eskü eta zer bilakatüko dira oraiko egitüren langileak? Hona Xiberoko Herri Alkargoako biltzarrean delegatüek pausatü dütüen galtoak. Xiberoko herri alkargoak zütüan konpetentzia güziak, egitüra berrialat joanen dira .Euskal Herriko herri alkargoa berriak urte bat badüke erabakitzeko konpetentzia horietarik,  zer bere gain hartzen düan eta zer ez. Hartürik izanen ez direnak, herrietara ützüliko dira eta herri horiek SIVOMen bidez kudeatü ahal izanen dütüe. Kasü hortan gastüak, SIVOMaren gain dirateke, orai diren bezala funtsean. Langileriaz agertü kezka dela eta, erranik izan denaz, ez da baitez badako kanbiorik izanen, lürraldeko administrazioko lan arrauen barne jarraikiko düe orai bezala.
Dominique Bosqu :