- Soziala / Osagarrigintza
- Agerraldiak: 2774
Haurraren bortizkeriaz, nola büru egin ?
Atharratzeko «Familles Rurales» alkarteak, hitzordü bat eskentzen dü azaroaren 29ean. Haurraren bortizkeria builtak dirateke aipagei, Pierre Lanusse Cazalet psikologoarekin. Haurraren bortizkeria ez da beti etxekoer züzentzen den egitate bat, baizik eta gaixki izate baten dei adarra izaten ahal da. Etxekoek ez dakigü beti nola bürü egin egitate horien aitzinean eta gure erantzünak ez dira beti egoki. Ait’etamen eginkizüna ez da haurraren behartzera beren nahitara, bena haurraren handitzen lagüntzea behar dütüan tresnak emanez. Hartakoz, epaitzea eta zigortzea ez dira elkibide hoberenak. Hatik, entzütea da lehen ürratsa, haurraren konprenitzeko helbürüarekin. Informazione gaüaldi hau azaroaren 29ean iraganen da gaüko 20.30tan Atharratzeko «Ahanpean» gelan.
Entzün Pierre Lanusse-Cazalet psikologoa :
Aurten ere Bihotzeko Ostatüko lagüntzaleak hor dirate beharretan direner zerbütxü ekarteko. Astelehen oroz permanentziak etxekiko dütüe haien egoitzan, abentüaren 5etik aitzina. Lagüntza hau lortü nahi düenek bi permanentziak badira azaroaren 14 eta 21ean astelehenarekin arrestiriko 2etarik- 5tara. Eskü kaldü bat eman nahi düenek, astelehenez agertzen ahal dira Bihotzeko Ostatüaren egoitzan egün orotan. 2010 urtean, 9000 apaidü partekatü dira, erran nahi beita 1310 jente lagüntürik izan direla.
Domansantoko bakantzak hasten beitira, Pitzgarri alkarteak animazioneak proposatzen dütü gazteentako. Ürrietaren 21ean Mauleko parropiaren gelan 20:30etan JMJeri lotütako gaüaldi batekin hasiko da. Ürrietaren 24tik-26ala Tarnosen egonaldi bat antolatüko düe 16 urtetarik aitzina düen gazteentako « bolondresgoa eta engajamentüa » geiaren üngürüan. Bestalde, 6 eta 10 urteko gazteer züzentütako inganioetan, ürrietaren 28ean ostiralearekin goizanko 9:30tarik arrestiriko 16:30tara « zü eta ni = gü » geiaren üngürüan. Gero, antzerki ikastaldiak, ürrietaren 26ean asteazkenarekin Barkoxen eta 31an astelehenez Altzain, 10.00tarik 17.00tara. Izen emaiteko eta xehetarzün güzientako deit 05.59.28.39.14. Ürrentzeko, Maite Hirigoienekin süstazale berri bat edirenen düzüe Clement Charron Nabarrekoxtar gaztea. 
21urteekin experientzia handia dü animazionean eta erakutsiko deizüe antolatürik diren animazionetan.
Xenda alkarteak, 3 koordinazale postüetarik bata kanpoalatü behar izan dü, alkarteko borten ez zerratzeko orozbakoz. Lan postüaren segürtazeko, 16000 €ko langüntza galtegin züan Xiberoa Herri Alkargoari, bena honek 6000 € baizik ez deio eman, nahiz lagüntza hau, ohiz emaiten deiona beno goragoa izan den. 2000 urtean sortü den alkarte honek, 1429 adinetako jente lagüntü dütü 2010ean gisa batez edo bestez. Galto nausia horra delarik etxen egoiteko beharraren aldetik. Geroa gogoan, bürü hausteak ikusten dütü Xenda alkarteak. Alde batetik, alkarteak deio, Departamentüko eta Akitaniako agintari politikoak ez direla nahi bezain beste ardüratzen adinetakoen etxen egonarazteko plangintza baten eraikuntzan. Alde hortatik ez adostarzünak badira plangintzaren eramaiteko maneran eta bestetik, institüzione pübliko eta lagüntza beharretan diren adineko jenteen artean, arartekari sobera delakoz.
Adinetakoak gogoan, Aste urdina ürrietaren 20tik 29ala iraganen da Xiberoan. Xenda alkarteak küdeatürik, beste hanitx partaideen lagüntzarekin, lau hitzordü nausiak proposatürik dira. Ürrietaren 20an ostegünarekin, biltzar pübliko bat antolatürik da Mauleko parropiaren gelan 14.30etarik harat. Azken hilabeteetan, familietako lagüntzaileen problematikaren üngürüan eramanik den gogoetaren berri emanen da, eta plantan ezarten ahal diren elkibideak aipatüko dira, sozial sailako heinbat egitüren ordezkariekin. Ber mementoan, Berrogaineko Laborantsa lizeoko ikasleak, adinetakoen etxean dirate, adinetakoekin txostakan hartzeko. Aiñharbeko eskolak eta adinekoek algarrekin egin düen « Atzoko eta egünko haurrak » erakuska ikusgei date ere Mauleko libürütegian ürrietaren 25tik 29ala. Eta azkenik, ürrietaren 27ean 14.30etan « Nor berak bere osagarria zaintzea » geiaz informazione bilküra iraganen da Maulen zerbütxü günean Ahüzki gelan.