Xiberoko Kürütxe Gorria, karraskan lanean ari da beharretan diren jenteen lagüntzeko. "Vesti boutique" deitzen den bigerren esküko salmentak dü arrakasta handiena üken, beharretan diren jenteen aldetik eta emaileen partetik. Kürütxe Gorriak egoitza handiago bat txerkatzen dü, proposatürik zaion müble eta etxeko tresneriaren goititzeko. Aurten, 5 alkarte lagüntü dütü, Lokotiko Bidea, Tarijako haurrak Bolivian, Tahitiko haurrak, Benineko alkarte bat eta Algarrekin Bizi. Bestalde, lehen sokorrien ikastaldiak aitzina jarraikitzen dü Kürütxe Gorriak, arrakastaz beterik.

Entzün Gaxuja Pontaut Mauleko Kürütxe Gorriko ardüradüna : 

Olorue eta Mauleko Ospitaleak züzendaritza batü baten osatzeko ürratsetan dira. Bada 6 hilabete, Mauleko Ospitalea züzendaririk gabe dela eta ezin atzamanez beita, elkibide hori proposatü dü "Akitaniako Osagarri Agentziak". Mauleko Ospitaleko administrazio kontseilüak eta Mixel Etxebest bere lehendakariak, behartürik, honartzeko deliberoa hartü düe eta laster Olorueko Ospitaleko züzendaritza Maulekoa hartü behar lüke. Olorueko züzendariaren pekoa date Maulekoa eta bere lagüntzale batek joanaraziko dütü Mauleko Ospitaleko aferak. Bi ospitalen arteko konbenio bat izenpetzekoa da.

Entzün Mixel Etxebest Mauleko Ospitaleko lehendakaria : 

Jente franko bazen Atharratzen igaran den AZIAren biltzar nausian. Jente hanitxek jarraikitzen eta süstengatzen düe alkarteko xedeak eta haboroxenak ados dira erraiteko lan hanitx eta kalitatezko lana eginik dela. Lan horietan "Bidaje bat" lan sorkuntza bat izan da 2012an, Aldudarrak Bideo alkartearekin egin dena. Beste lanetan, 6. gerren CLEJa abiatü dü alkarteak. Bestalde, AZIA alkartea üngürüko alkarteekin harremanetan da eta animazaileak dü hau kudeatzen. Jadanik, dagün urteko xede nausia presentatürik izan da "Eüskararen üngürüan, bideo jokü bat" eüskararen ikasteko.

Entzün Frantxina Laborde Azia alkarteko lehendakaria : 

Hur pützü egokien egitea eta herritarer palüdismoaz zaintzeko, "oihal edo moustiquaires" ekartea izan da, «Lokotiko Bideak» alkarteak 2012an egin düan ekintza handienak, Kameruneko Lokoti eskualdean. Emazteek hur kantitate handirik ez ditzen haboro egün güziz karea eta milaka hil egiten dütüan palüdismoari bürü egitera, bi lan horien helbürüak izan dira. 2013ko xedeetan aldiz, behar den bezalako ospitale baten eraikitzea da. Alde batetik, emazteek haurrak baldintza honetan üken ditzen eta bestetik, zoin nahi ebakuntza eginik izan ahal ledin leküan berean. Kontinoko bedezi baten presentziaren bermatzeko, etxe bat ere eginen da ospitalearen ondoan.

Entzün Cathy De Gaye, "Lokotiko Bideak" alkartekoa :