- Soziala / Osagarrigintza
- Agerraldiak: 3080
Mauleko Ospitalean eta Erretreta etxean, Etxekoen Kolektibo berri bat sortü
Mauleko Ospitaleko eta Adinetakoen Etxeko eri eta erretretadünen familiakoek, arten kalitatea bermatzeko, Kolektibo bat sortü düe maiatzean. Urte hatsarrean, Mauleko Ospitaleak 600000 euroko ziloarekin ürrentü züala 2011a erraiten geneizüen. Zilo horren ttipitzeko, langilegoaren gütitzen hasi da züzendaria eta berak aitortzen düan bezala, arten kalitatean ondorioak izan direla. Mauleko Ospitaleko eri eta erretretadünen familiakoek, ospitaleko begistatze eta biziaren batzordeer, batzorde horietan dütüen ordezkarien bidez, beren arrenkürak jakinaraziko dütüe laster.
Entzün Francis Garrispe Mauleko Ospitaleko Kolektiboko kidea :
Entzün Jérôme Lamirand Herri Alkargoako ordezkaria eta Mauleko Ospitalean begistatze batzordean dena :
Angelun eta Atharratzen zen, Georges Labazée Departamentüko Kontseilü Orokorreko lehendakaria. Angeluko « François de Paule » bizitegia eta Atharratzeko « Saint-Antoine » erretreta etxearen bijita egiteaz gain, « Autonomie » deitü ekimen berriaz mintzatzera jinik zen ere. Adinetakoen eta herbaltüen lagüntzeko bidean den ekimen horrek, ondoko 5 urteentako orientabideak finkatzea dü helbürüa ; textua presentaürik izanen da ondoko arramaiatzean Departamentüko Biltzarrean, hortik goiti tratüak abiatüko dira Frantses estatüarekin. Orotarat, departamentüan 168 miliu euro inbeztitürik izanen dira adinetako jente ta herbaltüen sailean.
3 eta 6 urteen artean düen haurrentako, üdako inganio zentro berria zabaltü dü igaran urtean Pettareko Eskola Püblikoaren Lagüneko alkarteak. Aurten, Xiberoko hiru inganio zentroak 4 astez zabalik izateko partez 6 astez zabalik dirate eta ontsalas, bakantza ttipietan zabaltü behar lükee. Berritarzünetan, Xiberoa Herri Alkargoak, koordinazale bat ezarriko dü Basabürüko eta Pettareko inganio zentroen koordinatzeko eta eskentzak ber heinean ezarteko. A.E.Lek kudeatzea beti jarraikiko düe, koordinazale lagüntzarekin. Bestalde, gimnastikako kursoek arrakasta handia badüe 2 talde beitira. Judoan aldiz, berritzapen zonbait alkartean, gazte zonbait bülegoan sartü beitira aurten. Dagün igantean apirilaren 15ean arrestiriko 15.30tan, A.E.Lko gimnastika eta judoko arizaleek ikusgarri bat eskentüko düe Mauleko Jai-Alaian.
Apirilaren 4ean zabalik, berriki estrenatü da Maulen, « Xiberoko Xaxkia » deitzen den epizeria soziala. Beharretan direner, ez düe haboro dohainik emanen jatekoa, ekoizpenkal €uro bat galteginik izanen zaie bata bestekoa, prezio arruntaren %10a. Baliazaleen zenbakia jadanik 131 jentekoa da, erdia 15 urtez peko haurrak direlarik, bakarkako familiak ere badira, erretretatü eta helbarritüak ere. Janariaren eskentzeaz gain, animazale batek ateleriak eskentzen deitze, berjentarteratzeko helbürüarekin. Ber denboran, sosaren kudeatzea, sükaltaritzako aholkü edo konpontze ttipiak lantzen dütüe. Zerbütxü horien eskentzeko, "Xiberoko Xaxkiaren" aitzin kontüa 60000 eurokoa da zortzi hilabeteentako.
Bihotzeko Ostatüetan bezala, Kürütxe Gorriaren lagüntzen txerka horra direnak, ama berak dira, haboroenak 30 urte petik, beste baliazaleak direlarik adineko jenteak. Beharrer bürü egiteko, Atarratzen aldika baten zabaltzea deliberatü dü alkarteak. Kürütxe Gorriak biltzen dütüan sos lagüntzen ütürriak, jenteen emaitzetatik horra dira parte batentako, bestea aldiz, Kürütxe Gorriak saltzen dütüan arropen etekinetik direlarik. Lagüntza horien esküratzeko, nahiantek lehenik behar düe iragan lagüntza sozialeko bülegoetarik. Kürütxe Gorriko sal günea zabalik da, astelehenez 10.00tarik-12.00tarat, asteazkenez 16.00tarik 18.00etara eta ostegünez 17.00tarik-19.00etara. Azkenik, Kürütxe Gorria egoitza bat txerkatzen ari da.