- Soziala / Osagarrigintza
- Agerraldiak: 2959
Xiberoko Janari Zatitze Kolektiboa
Kanbiamenak eta berritzapenak izan dira "Xiberoko Janari Zatitze Kolektiboak" egin düan biltzar nausian. Kanbiamen nausia bülegoan izan da, Jacques Herrerak hartu beitü alkartearen lehendakari kargüa. Bestalde, araudiak kanbiatü dira, janari saltegi sozial baten zabaltzeko xedea beitüe setemereko Xiberoko eragile sozial ezbardinen artean. Biltzar nausiko püntu ezezkor bakarra da prekaritatea goratzez doala. "Janari Partekatze kolektiboa" apirilatik azaroa artino zabalik da, ondotik "Bihotzeko Ostatüek" düe segida hartüko.
Entzün Jacques Herrera Xiberoko Janari Partekatze Kolektibokoa :
Deüs ere berriagorik, Mauleko faktür grebalari eta züzendaritzaren artean ! Faktürak greban dira arramaiatzaren 14az geroztik, lanpostü bat desagertarazi nahi delakoz. Postako züzendaritzaren araberan lan zama ttipitüko da orano ondoko hilabeteetan bena faktürek ez düe berdin ikusten. Düala 2 urte, hiru lanpostü desagertarazirik izan zen ber estakürüekin, frogatü delarik lan zama ez zela ttipitü züzendaritzak hitzeman züan heinean. Ondorioz, faktürek lan haboro egiteko üken düe. Orai, beste lanpostü bat galtzekotan da eta faktürek ez düe hori honartzen. Asteazken goizanko bilkürak ez dü deüs eman eta dagün astean berriz bildüko dira tratüari segida baten emaiteko. Artean, faktürek eginen düen biltzarrean deliberatüko da, zer segida emanen den greba mugimentüari.
Osagarri sailan, barnekaldean ospitaleak ala kliniken etxekitzeko, ürratsak emaiten ari dira. Mauleko ospitaleko, lanen abiatzea 2013ko hitzemanik bada, Donapaleüko klinikaren geroa aipagei da azken aste horietan, Osagarri Ministeritza, Donapaleüko klinika eta Baionako ospitaleko ordezkarien arteko bilküra ezberdinetan. Dagün astean bildüko dira beste behin Pauen, klinikaren geroa segürtatü behar lükean xedearen modalitateen zehazteko. Eramaiten diren tratü horietan, amategia baratüko denez barnekaldean ondoko urteetan jokatzen da.
Postako faktüren hiru laurdenak greban dira arramaiatzaren 14 hontan. 18 hilabetetarik egiten den berantolaketaren ondorioz, Mauleko posta lan postü bat galtzekotan da orano. Düala 2 urte jadanik, hiru lanpostü galdü zütüan, lan zama % 7ez ttipitü behar zelakoan. Azkenean, % 2ez baizik ttipitü zen, hots, lan haborokina faktüren gain egon da. Aurten, postaren züzendaritzak, bere kontüen araberan, lan zama % 3ez ttipitüko dela orano ere. Hortarik abiatürik nahi dü beraz lan postü bat elki. Faktürak ez dira ados eta bihar goizan 7.30tan bildüko dira berriz, zer jarraikia emanen den grebari erabakitzeko. Ondotik, goizanko 10etan züzendaritzarekin bildüko dira.
Haririk gabeko telefoniaren lanjerak aitortzen dütüan delibero bat plazaratü dü, Europako biltzarrak iragan maiatzaren 6an. Deliberoan, « BIOINITIATIVE » egitürak argitaratü düan