Nola esperientziak trükatü, nola gaurko lan egiteko manerari egokitü eta alkar kürütxatzeko güneak sortü, hori zen iragan bedatsean Xiberoko ekonomiaren builtazale den ODACE egitürak, Urdiñarben antolatü egünaldiaren bizkarrezürra.Geroztik ürratsak eman dira, eta ildo hortan segitüz, lau güne sortü nahi dira, Xiberoan :Irabarne, Sohüta, Atarratze eta Barkoxen. Barkoxe dela eta, herritarreri deia zabaltzen zaüe, asteharte hontan bil ditüan « Patronage »ko gela, arratseko 8ak eterditan. Gaüaldi honen helbürüa, denen artean aztertzea, zoin diren herriaren eta herritarren errealiate eta beharrak, eta nola ahal denik eta gehien, algarrekin bürü egin. Hitzordüa beraz, asteharte arrats hontan , arratseko 8ak eterditan, « Patronage » gelan… Xehetarzünak Patrick Queheillerekin :

Uda hontako denbora txarrak turistak barnekaldealat jinarazi dütü ; goizegi balinbada orano bilan baten egiteko, Xiberoan jente hanitx jin da Kakueta ,Oltzarte eta Mauleko Espartina enpresen bisitatzera. Erran behar da ere ; xiberoalat turista haboroxenak jiten direla egün bakar baten igaitera eta ¨hau baliatzen düela ahal bezain beste güne ikusteko. Bestalde, Mauleko gaztelüan egin diren bisitek marka güziak gaintitü behar lütükie. Esperantxa bada orano sasua lüzatüko dela larrazkeneala, iragan urtean seteme eta ürrieta ederrak izan ziren eta jentea izan zen bereziki 3 gerren adinetakoak. Maite Hontas Erbin Turisma bülegoko langilea :

1918 an sortü zen , elektrizitate beharra zelakoz Pirenoetan ! SNCFak enerjia hori baliatu züan treinen kurriarazteko eta ondotik ,SHEMak erosi züan zentrala. Egün, Ligin, 60 000 bizizale den hiri baten elektrika ekoizten da eta 11 lan postu bada. Üngüramen sailan legea geroago eta zorrotzago da eta kasü egin behar düe hurra nola baliatzen düen. Obra handiak egiten ari dira mementoan , 5 miliu euro kostatzen düe, besteak beste odi handi bat berritzen ari dira. Entrepresaren ezagütza egiteko joan gira Jean Pierre Larrandaburu langilearengana :

Xiberoan 4 co-working edo lan gune partekatu zabalduko dira ondoko hilabeteetan. ODACE egiturak bultzatutako gogozketetan gogo hori elki beita, xedearen eramaiten ari dira Atharratze, Barkoxe, Irabarne eta Sohütan. Bakotxak bere xedea bere beharren arabera eramanen du, bena erraiten ahal da 4 guneetan internetendako fibre optika badatekila. Xehetarzunak emaiten deizku Benat elkegarai Odace-eko lehendakariak: Benat Elkegarai: