Basabürüan ere hebentik aitzina züen kirola egiten ahalko düzüe ! Pezü galtzeko, trenpüan izateko ahal ginharren hantzeko edo indartzeko “Kattin Coaching” zabaltü da. Xede oroer adaptazen ahal da, eta saldoko kirola proposatzen badü, norberaren coachinga proposatzen dü ere. Ikasketak prestakuntza fisikan eginik, jauzi handia egin dü Kattin Marmissollek bere salaren zabaltzeko Atarratzen. Egün oroz zabalik da tenore esbardinetan neskenegün goiza arte. Intseatzeko kurtso bat proposatürik zaüzüe ere. Kattin Marmissolle:

Leheneko "Casino Ttipian" hots arraintegi parrean date Graxiana Castillon-en saltegia. Erizaingoa ützirik, eta ikastaldi elibat eginik, bide berri batetan abiatzen zaikü. Ezneki eta gaznaz gain, horiekin ontsa joaiten diren mozkinak ere salgei dirate, halanola erreximenta, xingar, ardo, garagardo, ala beste... Bena mozkin nausia gazna baratüko da, orotara 50 mota desbardin beitirate, hebenko dozena bat baita frantziakoa ala kanpokoa ere. Neskenegünean estrenaldia eginen dü bere lagüntzaleak kümitatzez, haatik dagün asteartetik aitzina oroer zabalik date. Ordutegiaren aldetik, astean kurtsean/zehar 9etarik 12.30tara eta 15.30etarik 19tara. Neskenegünez 8.30etarik 14etara. Graxiana Castillon :

Neskenegünez jende hanitx horra da saltegi hortara, izan gazna, ardo, arraultze, ezti, urdanki, behiki, ahateki, kuntserba edo baratzekien erosteko. 5 ekoizle baziren hatasarrean eta orai 8 dira, denak xiberotarrak eta Idokien filosofia jarraikitzen düenak. Zabalik da saltegia neskenegün goizez urte orotan bena ere asteazken, ostegün eta ostiralez saso betean, erran nahi beita üdan. Johañe Gohets Etchemendy :

Arrakasta handia üken dü aurten, hala nola egün zonbaitetan 1 000 jentez goiti jin dira Santa Grazirat, jakitez aparkatzeko 100 bat lekü baizik ez dela.. .. Berri hon bat halere herriaren kontüentako eta herriaren famaren handitzeko. La Vernako harpearekin Santa Graziko bi güne horiek indar bat dira Basabürüarentako ere, 120 000 jende jinarazten beitüe orotarat. Horrek turismako profezionalak eta logüneak biziarazte dütü. Horrez gain Santa Graziko merak jakinarazi dü jarraikiko züala herritarren fidantxa begiratzen düano. Maryse Othart :