Enplegüaren Gidaren ildotik, industria eta osagarri sailetako enpresen eta ofizioen ezagützaren egiteko proposamena lüzatzen dü Azia alkarteak, ostirale eta neskenegün hontan (arramaiatzaren 14 eta 15ean). Bihar Basabürüan Industria sailako enpresa zonbaiten bijitak eginen düe eta neskenegünean Mauleren üngürüan osagarri sailako egitüra eta ofiziokoen ganat joanen dira. Xiberoko gazte gütziak kümitatzen dütü eta bi egünaldien bijitak bizikletaz eginen dira. Marie Arrosagaray :

Gain oskiak ekoizteko, Etché Sécurité enpresak sos lagüngoa bat üken dü Akitania berria esküaldetik. Orai arte 'kautxuzko' bota bereziak egiten bazütüen, süia, elektrizitatea eta prodüktü kimikoetaz babesteko ; aldi hontan ‘gain oskiak’ hots oskiak elki gabe, aldegainetik jarteko oskiak eginen dütü, horiek ere babesteko eginik diratekinak. Xehetarzünak enpresako Pierre François Etchégoyen'ekin:

« ho(r)i to » izentatü diren kasketa marka sortü düe Etxeberri anai arrebek!! Xiberoko Ondarkintegietan üzten diren plastika, larrü eta beste atzamaiten dütüen tresnetarik partitürik, serigrafia teknika baliatzen düe , puxkak orro josi gabe. Jakin behar da textile industriak kozadüra izigarria egiten düala 700 mila tona arropa erosmenarekin urtean, Frantziako zenbakien arabera 12 kilos arropa urtukitzen dira urte oroz Kasketekin abiatürik, beste ideiarik ere badütüe ondotik, bena sasuzko den ekizain hori atzamaiten ahal düzüe “horito.design”beren internet webgünean DDidue eta Juana Etxeberri:

Mauleko igeskagiak bortak zabaltü dütü ! Osagarriarentako izigarri hon den igeska aritzeko parada arren Oloroera joan gabe. Bizkarrarentako, simetriarentako, bihotzarentako edota korpitza lüzatzeko aholkatürik da igeska aritzea. Hortako badira prezio ezberdinak, horietan 2 oren beno gütiago joaiten bagira joan jinka aritzeko. Arialdi edo aktibitate ezberdinak ere, jakitez “aqua bike” edo pirripita urean egiteko arialdian hainbat lekü baratzen dela. Azkenik, hainbatek ordütegi okerrak ikusirik bortak zerratürik ediren beitütüe, ordütegi eta beste xehetarzün xüxenak euskal alkargoaren webgünean dütützie; bestela düda bat badüzüe hobe harat deitzea xüxenka 05.59.28.26.44 zenbakiala. René Castel ardüradüna: