Bürki xapatik landa, « olurra » izeneko enpresak saboen egiteko ürratsa eginik dü !! Ezagützen badira burki xaparen korpitzarentako huntarzünak, ez zen orano ezagütürik larrearentako egiten ahal dütüan ekarpenentako. Hortaz jakinean, Bertrand Dhulst enpresa bürüak, saboen egitean plantatü da . Beti bezala, biologika beno hürrünago joaiten den « nature et progrès » labelan sartzen da. 6 sabo süerte egiten dütü mementoan, jakitez hurki edo likida diren saboak gei dütüala egin zalexka ere Xibero Bio eta Atarratzen ere edireiten ahal dütützüe Bertrand D'hulst:

Xiberotarrek xiberoan eros dezen, Maule eta atharratzeko 49 saltegik Egüberriko animazioak abiatu dütüe. ‘Magia’ren üngürüko besta horrek 3 aste iraünen dütü. xehetarzünak UCA xiberoko saltzaleen batarzüneko Peio Queheille-ekin:

Hastoy & Lagun enpresetako Jean Louis Ondarsühü eta Beñat Lestarpé erretretalat joan dira 10 eta 43 urtez ber enpresan erauntsirik. Horren kari igan ostiralean Atharratzen besta bat antolaturik zen lagile paketarekin. Jean Louis Ondarsühü eta Beñat Lestarpé:

Igikortarzüna, bizizale kopuruaren aphaltzea, abiadüra haundiko interneta, langileen atzamaiteko nekeziak edo enpresen eraikitzeko lür eskasa besteak beste, garapen ekonomikoa baseri mündüan hunkitzen dütüen problematikak jorratürik izan dira Barboxen, neskenegünean, Odace, Barkoxe Bizi eta Eusko Ikaskuntza alkarteek antolatü züen gogoeta egünaldian. Sylvie Durruty eta Mixel Etxebest Euskal Alkargoako haütetsiek eta Bernard Uthurry Akitania Berriko haütetsiak problematika güzi horiek ontsa barneratürik zütüela erakutsi düe eta erabaki güneetan bideratzen ari direna eta preseski zer erabaki hartüko dütüen ondoko hilabeteetan baseri mündüko ekonomiren garatzeko zehaztü düe. Xiberoako adibidez, igikortarzünaren sailan, Maule üngürüan naveta baten ensegüa eginen dela jakinarazi dü Mixel Etxebestek, eta laborantzako, Teknopola baten sortzeko xedea laborantza üngürüko ikerketaren garatzeko aipatü dü eta Xiberoa lürraldea, lürralde biologikoa bilakaraztea. Barkoxe Bizi, Azia edo AIBA bezalako alkarteen ekarpenaren inportentzia ere azpimarratürik izan da, haütetsiek erabaki honak har ditzaten, leküan leküko beharrak ontsa argitzeko behar beharrezkoak beitira holako alkarteak. Egünaldiaren antolatzaileak botzik agertü dira, herritarrak eta erabakizaleak kürütxarazi beitdütüe, eztabaida barna eraman beita eta aktore güziak mahain beraren üngürüan, ikusmoldeak trükatü ahal izan beitdütüe. Argitxu Camus eta Patrick Queheille antolatzaileak :