Hori da elkitzen orokorki salzale eta erosleen ahotik Mauleko merkatüan itzülüa egiten denean. Aro gaitza edo ederra da emaiten den arrazoetarik bat, eta Üztaila beti agorrila beno flaküago agertzen da. Uthurralt Mitikile gazna salzalea , Peko Borda Behoteguy Lanbara edo orano ürzohüme Alozeko salzalea beren üdako merkatüaren bilana egiten deiküe. Beñat Larrory-en erreportaia :

Turista ala tokiko, gizon ala emazte, eta adin güzien ganik espartinaren arrakasta baieztatü da atzo Maulen iragaiten zen Espartinaren Bestaren karietara. Jendetza hüillantü zen eta espartinaren ekoizpena plazara ekarririk izan zen güzien plazararentzat. Espartinaren goxotarzüna, gaurkotzea, eta modelo eskeintza zabala goraipatürik düe mintzarazi ahal izan dütügün erosleek. Horrez gain, kantore, dantza eta pilotarekin, animazione eskeintza zabala gozatü ahal izan züen hüillantü zirenek. Nahas Mahas eroleak, saltzaileak eta beste :

ODACE alkarteak büiltarazirik, güne partekatü baten sortzeko jüntatü zen herritar talde bat, güne partekatüaren ideia delarik, lekü berean biribilkatzea beren kontü ari diren enpresalariak, egoitza eta ahalen partekatzeko. Gogoeta hortarik, Barkoxe herriaren analisa bat egin da eta agertü da etxe hütxen arrenküra, gazteen biltzeko güne baten eskasa, edo orano laborari eta beste ofiziale zonbaiten beharrak. Geroztik arrahinki biltzen dira xede horren aitzinarazteko eta berriki ere elkarte bat sortü da “Barkoxe bizi” izenekoa. Pollo Pinque :

Asteazken hontan, Agorrilaren 15ean Maulen Espartinaren Besta izanen dela eta, paradaz horrez baliatü gira, espartingintzak hunkitzen dütüan bi xedeen aipatzeko Maule Etxebest Mauleko aüzapezarekin. “Mauléon” marka abiatürik da eta jadanik espartin egile bat desmartxan sartürik da. Bigerren bat ere laster desmartxan sartüko dela erran deikü Mixel Etxebestek. Xiberoa lürraldearen garapen ekonomikoarentzat eta hemen egiten den ekoizpen hunen sinesgarritarzünaren bermatzeko desmartxa horren inportentzia orhitarazi deikü. “Espartinaren ateliera” xedeaz ere mintzatü zaikü. Orai Eüskal Hirigünearen eskü bada ere, eta denbora galdü bada ere, laster xedea Xiberoko sei espartin egileeri presentatüko düala Jean René Etxegaray-ek jakinarazi deikü. Xedea 2021eko osoki ürrentürik izanen dela esperantxa dü. Xedea 2 millioi eterdi euro kostatü behar lüke. Mixel Etxebest Mauleko aüzapeza :