- Ekonomia / Turismoa
- Agerraldiak: 3412
Xiberoko Crédit Agricole banketxeak alkarteeri süstengü ekarri dü.
Xiberoko Crédit Agricole banketxeak, IDL edo "Institut du développement local" bere egitüraren bidez, leküko alkarte ezbardineri, 20000 euro heineko sos lagüntzak banatü dütü. Holaz, "La Mauléonaise y sus Mariachis" müsika taldeak 1500 euro üken dütü. Xiberoko Botza eta Mendililia irratiek 2000 euro bana üken dütüe, tresnerien hobetzeko. Beste alkarte zonbaiten artean, eskola püblikoko etxenkoen alkarteak ere sos lagüntza bat jaso dü.
Julien Erbin Banketxeko administrazailea :
Xiberoko Artzainak taldeko Dyn'aero / Aupa enpresak, Akitania eskualdearen ganik, 380 000 euroko lagüntza üken berri dü. Artzainak taldeak, Dyn'aero, Dijon-eko egazkin ttipien egiteko enpresa erosi züan 2012an eta Pauera hüilantü züan 14 lanpostü etxekitzez. Azken hilabeteetan, enpresaren berantolatzean lanean ari dira eta aeronotikako sail horren berezitarzünak kontüan hartürik, eskeintza egokitzen ari dira. 
Bitrikien biltzeko moldea kanbiatüz geroztik argi da denek ez dügüla orano ontsa entelegatü zer egin behar den eta bereziki zer ez den egin behar. Hortarako Bil ta Garbi sindikatak eta Xiberoa Herri alkargoak sensibilizatze kanpaña antolatzen düe, bitrikien nola bereizi behar diren oritarazteko. Xibero orotan, bitrikien biltzeko ehün bat ontzi berri banatütik izan dira eta orano kexa horietan edo zikin ontzietan bitrikiak atzamaiten dira. Frantzian urtean berrogei kilo bitreki jentekal berziklatzen dira, Xiberoan hogeitahamabost kilo baizik ez direlarik bereizten. Bada beraz hobetzeko sail hortan.
Xiberoan, Herri alkargoak ondarkinen biltzeko sistema kanbiatüko dü 2015ean eta ordainketa, legeak behartzen düan bezala, aküilagarri zerga baten bidez eginen da, hots pizüaren areberako ordainketa. Neskenegünean Atarratzen, ondarkinen biltzeko sistemaren haütatzeko biltzar monografikoa egin züan alkargoak, bena erabakitzeko haütetsien kopürüa ez beitzen, ez da deliberorik hartürik izan. Haatik hiru proposamen aztertürik izan ziren. Oro biltzea nahizko ekarpenean edo oro biltzea etxez etxez edo bien arteko üztartzea. Herri alkargoako ordezkariak berriz bildüko dira urtarrilan erabaki baten hartzeko.
Bildozeko EMAC enpresak, Akitaniako beste bost enpresekin batean, Enpresen Jentartearekiko Ardüra edo RSE delakoaren saria jaso dü. Sari horren bidez ezagützen dira, langileen ongi izaite eta lan baldintzen mailan, üngüramenaren eta ekonomia sailetan enpresak egin dütüan eginahalak. Bide hortan jarraikitzeko asmoa düe EMAC enpresako ardüradünek, eta laster herots mailan ikerlan bat eginaraziko düe.