XÜXENEAN ENTZÜN

Ekonomia - Turismoa

Ekonomia / Turismoa
Agerraldiak: 2755

Sasoi txarra izan da Santa Graziko La verna leizearentzat. Bijiten kopüra ehüneko hamahiruez apaltü da, leizearen ardüradünen araberan, alde batetik sartzea kario beita (17€) eta bestetik La Verna ez beita aski ezagütüa. 2010ean zabaltü zen leizearen bijita, hiru urtez gogoeta eta antolaketa lanak egin ondoan, Santa Grazi, Arette eta Aramitze herrien artean joanarrazirik delarik. 2010 ean hamabi mila bijitariekin ontsa abiatü zen bena geroztik ez dira heltü zenbaki hortarat eta aurten mila hiruehün jente gütiago izan da. Dei adarra jo düe günearen joanarazleek, eta negü hontan berean sos txerkatüko düe kapitalean sartzeko eta lan profezional bat eramanen La verna-ren hobeki ezagütarazteko.
Jean François Godart La Vernako ardüradüna :

Ekonomia / Turismoa
Agerraldiak: 2649

CLEJ (Comité Local d’Epargne Jeune) delakoak Xiberoan sortüz geroztik, gazteek builtarazi dütüen berogei ta hamahiru xede lagüntürik izan dira. Düdarik gabe alkartarzüna ebilten da Xiberoan, eta jente hanitx mobilisatzen da beti, izan dadin gazteek ala emazteek dütüen enpresa sortze xedeen lagüntzeko. Iragan ostirale gaüan 5. eta 6. CLEJ delakoen biltzar nausia egin zen Irabarnen. Biak ürrentürik dira orai, eta 2015ean 7. Bat sortüko dela baieztatürik izan da karia hortara. CLEJ delakoen printzipioa da, interes gabeko sos zama baten prestatzea enpresa sortzaile gazte bati.
Entzün Aurelie Lartigue :

Ekonomia / Turismoa
Agerraldiak: 2819

Internetaren zabaltzea zuntz optikoaren bidez Xiberoan aipatü zen, Xiberoa Herri alkargoako azken biltzarrean. Departamentüko Konseilü Orokorrak builtarazten düen xedea presentatü züan Jean Louis Domecq konseilariak. Teknologia mailan zuntz optikoak ekartzen düan aitzinamentüa azpimarratü dü, eta kario elkitzen bada, bi mila euro lotüra bakotx aipatzen da, sos lagüntzak ere izanen direla ohartaratzi dü. Internetaren zabaltzea haatik ez da oraino Herri Alkargoaren eskümena, hortarako Xiberoko herriek erabaki beharko düe eskümena üzten deionez alkargoari.
Dominique Boscq alkargoako presidenta :

Ekonomia / Turismoa
Agerraldiak: 2613

Ludovic Dumaine, Mauleko Belzüntze aüzoko okinak, Herriko ogiak proposatzen dütü düala aste zonbait jadanik. Harekin, kasik 40 bat dira Ipar Euskalherrian, Herriko ogia egiten eta eskeintzen dütüen okintegiak. Uztartu Clusterean sortü den desmartxa hontan, Amikuze, Iholdi eta Bidaxüne kantonamentüetako dozena bat laborariak engaiatürik dira gariaren ekoizteko, 2012/2013 kanpañan 40 bat hektare erein izan ziren eta Uztarritze eta Mauleko bi eiherrek irina egiten düe. Laborariak, eiherrazainak eta okinak, desmartxa berean hainbat ürrats egin dütüe alkarrekin, bakotxaren egin beharrak zehazten dütüan arrautegiaren finkatzeko. Herriko ogiak ezautgarri bereziak dütü eta ogi arrunta beno karioxeago bada ere, bere erosleak dütü. Konsümitzaileek preziatzen düe Herriko ogia eta okinek beren ofizioa baloratürik ikusten düe.
Ludovic Dumaine Mauleko okina :

Ekonomia / Turismoa
Agerraldiak: 2745

Senpereko Suhari enpresak, adar bat zabaltü dü berriki Maulen. Sükaltea, « Tissages du saison » enpresa ohiaren lokal batean egin dü, eta orotara 300 000€ inbeztizamentü egin dü. Apaidüak egiten dütü, enpresa, eskola, edo alkarte bezalako kolektibitateentzat. Sor daitekeen merkatüa aski handi izaiten ahal beita egin da Xiberoaren haütüa eta üdürüala, ontsa aitzinikusi züan, jadanik zazpiehün aipadü egiten beidira egün oroz. Lau langile dira lanean eta Jerôme Ubiria enpresa bürüak pensatzen dü, garapena hola jarraikitzen bada beste zonbait hartüko düala. Ahalaz, leküko ekoizpenak erabili nahi dütü eta jadanik, Xiberoko laborari zonbaitekin harremanetan sartü da.
Jerôme Ubiria :

  1. Hedabide berria baten sortzeko bilküra arrats hontan Maulen.
  2. Lehen ondarkinak heltü dira Mendixkan.
  3. Xiberoan turisma saila egoera berrier egokitzen ari da.
  4. Xiberoko Botzaren Etxez Etxe kanpaña abian.