- Ekonomia / Turismoa
- Agerraldiak: 2432
Dyn'aero egazkin enpresa Xiberotik hüilanago
Dyn'aero, Dijon-eko egazkin ttipien egiteko enpresa ez dügü orainokoan Xiberoan ikusiko. Oroitzen gira, Artzainak taldeak züala, Dyn'aero, trenpü txarrean zen entrepresa erosi, iragan urtean. Urte batez, Artazinak taldea lanean aritü da, enpresa Euskal Herrira hüilantzeko. Bena, aerodromo baten ükeitea ezin bestekoa da enpresa honentzat. Xiberoan holakorik ez beita, eta baten sortzeak lauzpabost urteko ikerketa galdegiten beitü, anartean, Dyn'aero enpresa, Paueko aireportüala hüilantürik izan da setemere hatsarrean. Enpresak hamahiru langile dütü, Dijon-etik jinik lau direlarik.
Entzün Mixel Etxebest Artzainak taldeko bürüa :
Eticoop alkartea, enpresa sortzea, garapena, ala transmizioa, baita berrikuntzaren bultzatzeko, kooperatibismoaren ispiritüan eta lürraldearen zerbütxüan, sortü da urte hatsarrean. 
Üda hontako turisma sasoina Xiberoan, 2012koaren ildo berean agertzen da jadanik, ertaina. Arramaiatza oso txarra izan da eta üztaila ere, denbora ederra izanik ere, ez da beste urtez baino hobeagoa izan. Agorrila üsatü bezala hilabete hona izan da. Kakueta bezalako günetan, arramaiatzan aphaltze haundia izan bada, üztailako zenbakiak, joan den urtekoak baino hobeagoak izan dira. Agorrilakoak aldiz ez dira oraino ezagütüak. Hostalaritzan, krisiaren ondoriak sentidü dira. Jentetze berarekin, konsümo gütiago izan da. Orai turismo sailekoek esperantxa düe, iraila eta ürrietan denbora ederra jarraikiko dela, sasoin ondar hon baten ükaiteko.
Mauleko Alkar kooperatifak, 30. urte bürüa ospatzen dü aurten. Lauetan hogeieko hamarkadaren hatsarrean, langabezian aurkitü zen multxo batek züan enpresa sortü eta geroztik garapena haundia ezagütü dü. Burdinazko zürtajeak egiten dütü. Bordalen, Okzitaniako Tolosan eta Montpellieren adarrak zabaltü dütü azken urte horietan. 100 langile dütü enpresak, eta 20 millioi euroko salmentak. Alkar enpresaren sortzea eta garapena kondatü deikü Philippe Ascone-ek, entzün : 
Aezkoa, Garazi, Xiberoa eta Zaraitzu ibarrek, Iratin eraman düen xedearen ürrentze ekitaldia bürütü da agorrilaren 28an Iratin. Lau ibarretako ordezkariak botzik agertü dira, elkarrizketari esker düdak gainditürik izan beitira xede horren bürüala eramaiteko. Garrantzi haundiko lehen ürrats bat baizik ez zela azpimarratürik izan da eta alkarlanaren jarraikitzeko nahiküntea beretsirik izan da. Mügaz gaintiko xedeak, 6 millioi euroko aitzinkontüa züan. Xiberoko aldean etxolak berritürik izan dira, eta batzarri güne berri bat eraikirik izan da. Zaraitzü aldean aldiz, batzarri güne-ostatü-jatetxe bat egin da. Oinez ala Btt-ez ebilteko xendak hobetürik izan dira, alde batetik besteala erreskiago iragaiteko. Seinaletika eta Iratiko oihanaz informazio taulak jarririk izan dira ebilbideetan.