- Ekonomia / Turismoa
- Agerraldiak: 1885
Argia CLEF berria abiatürik da Xiberoan.
Emazte enpresa sortzaileen lagüntzeko "Argia" 8. CLEF-a abiatürik da Xiberoan. 2014-ean ahal bezainbat sos bildü nahi da. 360€ prestatzen dira eta 5 urteren bürüko ützülirik dirateke. Parte hartzea aldi batez emaiten ahal da edo hilabete oroz 30€ko biramentüa eginez. Züek ere Xiberoan instalatü nahi diren emazteen lagüntzeko prest baldin bazide, Monique Pribat-ekin harremanetan sar zitaie Mauleko Zerbütxü güneala deitzez (0559287879). Azken 20 urteetan, 33 xede lagüntürik izan ziren. 96000€ prestatürik izan ziren, eta 38 enplegü sortürik izan ziren. 7. CLEF-arekin Hordago saltegia, Drop Goal ostatüa, eta Plubliona enpresaren arrahartzea lagüntürik izan ziren.
Martine Etxebarne :
Xiberoan, berriki gertatü den Ahüzkiko hotelaren orozbateko zerratzeak, ostalaritzak ezagützen düan krisia gogoala ekartzen deikü berriz ere. Azken 10 urteetan hameka hotela zerratü dira Xiberoan, gehienak Mauleko kantonamentüan. Üsü, normetan izaiteko egin behar diren lanek, sobera kostatzen beitdüelako zerratzen badira, ez da arrazoin bakarra. Azken urteetan, segür ere ez da aski erregülarki inbestitü, eta galtoa eskasegia eta sobera bildürik da üdan inbestizamentü haundien justifikatzeko. Zailtarzün haundia da ere bestalde hotelen transmizioan. 
Urtarrilaren lehenean emendatüko den TVA delakoak ofizialeak arrenküratzen dütü. Aphalena 7etarik 10etara igaranen da eta bestea 19.6etik 20ala. Etxeen isolazionearen hobetzeko aldiz TVA delakoa 5 eterditan dateke. Bena urtarrilaren lehen aitzin, ehüneko 30eko heinea beno haboro hasirik izanen diren obrentako, lehenagoko TVA delakoa aplikatüko da. Ikusten düzüen bezala hori oro ez dateke sinple plantan ezartea. Bena kontabilitate mailako bürü hausteen gainetik, arraberritze lanetan edo eraikuntza berrien mailan izanen diren emandazioneek, jadanik krisia jasaiten düan ofizialgintza ez dü lagüntüko. Haatik esperantxa bada, etxeen isolazionearen hobetzeko sortü den egitasmoak lana sortüko düala.
Neskenegünean, azaroaren 30ean zabaltüko da San Marti Harriko lerragünea. Aurten franko goiz elür hona erori beita, baldintza hoberenetan hasiko da sasoina. Pisten alde pean metro bat elür neurtürik izan da aste hontan. Bestalde, Iratin ere elürra bada eta raketekin ebilteak egiten ahal dira. Izarbeko iraunpen eskiako lerragünearen zabaltzea aldiz, abentüaren 21ean finkatü bazen ere, oraiko elür heina ikusirik goizago zabal leiteke.
Sükaltari 3. bürüko edo Toque delako batez sarixtatüa izan da berriz ere Larraineko Etxemaite jatetxea Gault et Millau gidaren ganik, eta audela 20eko püntüazionean 16 nota üken dü. Pierre Etxemaitek erran deikünaz, talde baten lana sarixtatüa izan dela hor, langile güziek inplikazione azkarra beitüe bakotxak bere sailan. Haatik Gault et Millau gidaren sari berri honen ondorioz ez datekeala prezioen emendakinarik. Sarieri pentsatü gabe lanean ari direla gehitü deikü, beti leküko kalitatezko mozkinak ohorean ezartez. Etxemaite jatetxeak, 7 langile enplagatzen dütü urte orotan, gei beste 4 sasoinean.