Gazteek hartzen düen orientazioa eta Xiberoa lürraldeak eskeintzen dütüan lan proposamenak ez beitira beti zentzü berekoak, 2015ean Azia alkarteak “Xiberoan lan eta bizi” egitasmoa bürütüko dü. Lehen ürratsa date, Xiberoa Herri Alkargoa eta Odace alkartearekin partaidetzan ikertzea zoin den Xiberoko enplegüaren merkatüa. Bigarren ürratsean, arloka bilküra püblikoak antolatüko dütü, urtarrilatik maiatza artino enpresa bürüekin sektore bakotxeko egoerarern berri hartzeko. Ondotik xehetarzün güzi horiek bildüko dütüan “Ofizioen gida” sortüko dü eta azkenik Xiberoko ikastetxeen ützülia eginen dü gida horren zabaltzeko. “Xiberoan lan eta bizi” egitasmoaren sortzeko eta eramaiteko “Udalbitza” egitüraren lagüntza üken dü, sei mila euro heinean.
Joana Hoki Aziako presidenta :
Ekonomia - Turismoa
- Ekonomia / Turismoa
- Agerraldiak: 1823
Negüa eta elürra hor dira.
Eüskal mendietan igürükirik zen elürra erori da azkenean. San Marti Harrian, Izarben ala Iratin bazterrak xuri dira eta aro ederra izanez, baldintza güziak bildüak dira, bakantzetako bigerren aste hontan elür kirolen pratikatzeko. San Martin pisten ehüneko 90a zabalik da, Izarben iraupen eskien egiteko 32 kilometro pistetan ibiltzen ahal da eta Iratin raketekin ibiltzen ahal da. Bide güziak zabalik dira San Martira heltzeko, haatik Iratira heltzeko kateak beharrezkoak dira azken bi kilometroen egiteko, bai Xiberoaren aldetik baita Baxenafarroaren aldetik.
Maddi Bengoechea Iratiko langilea :
René Errezaret San Martiko langilea :
- Ekonomia / Turismoa
- Agerraldiak: 2184
Santa Graziko La Verna ezagüpen eskasa dü.
Sasoi txarra izan da Santa Graziko La verna leizearentzat. Bijiten kopüra ehüneko hamahiruez apaltü da, leizearen ardüradünen araberan, alde batetik sartzea kario beita (17€) eta bestetik La Verna ez beita aski ezagütüa. 2010ean zabaltü zen leizearen bijita, hiru urtez gogoeta eta antolaketa lanak egin ondoan, Santa Grazi, Arette eta Aramitze herrien artean joanarrazirik delarik. 2010 ean hamabi mila bijitariekin ontsa abiatü zen bena geroztik ez dira heltü zenbaki hortarat eta aurten mila hiruehün jente gütiago izan da. Dei adarra jo düe günearen joanarazleek, eta negü hontan berean sos txerkatüko düe kapitalean sartzeko eta lan profezional bat eramanen La verna-ren hobeki ezagütarazteko.
Jean François Godart La Vernako ardüradüna :
- Ekonomia / Turismoa
- Agerraldiak: 2160
Kakuetan sekulan beno bijitari haboro.
Marka güziak hautxe dira aurten Kakuetako arrolletan, kasik 70 000 bijitariekin, audela, agorrila 10ean ere marka bat gaintitü zen 1762 jenteekin egün hartan. Hots, bilan ezinago hona egiten dü Santa Graziko herriak aurtenko sasuaz, ata, üda ez da haütü izan bena larrazkenari esker sasua salbatü da. Herriak, bi kilometrako senda antolatü züan eta 1966an zabaltü zen bijitariari martxo 15etik azaro 15 eala. Bi oreneko ibilbidea da, hogei metrako hur turrusta ikusten ahal da eta harpe batetara heltzen da. Aurten zortzi mila jente beno haboro izan da, Frantzia, España, Euskal herri edo ere Holandatik jin direnak. Orai, negüa baliatüko da lanen egiteko, ehün mila euro ezarri baharra da, hala nola, harpearen argitzeko edo ere mahain eta jarleküen ezarteko aitziraren üngürüan.
Albert Aguiar Santa Grazi aüzapeza :
- Ekonomia / Turismoa
- Agerraldiak: 2036
CLEJ, gazteen iniziatiben lagüntzeko tresna baliosa.
CLEJ (Comité Local d’Epargne Jeune) delakoak Xiberoan sortüz geroztik, gazteek builtarazi dütüen berogei ta hamahiru xede lagüntürik izan dira. Düdarik gabe alkartarzüna ebilten da Xiberoan, eta jente hanitx mobilisatzen da beti, izan dadin gazteek ala emazteek dütüen enpresa sortze xedeen lagüntzeko. Iragan ostirale gaüan 5. eta 6. CLEJ delakoen biltzar nausia egin zen Irabarnen. Biak ürrentürik dira orai, eta 2015ean 7. Bat sortüko dela baieztatürik izan da karia hortara. CLEJ delakoen printzipioa da, interes gabeko sos zama baten prestatzea enpresa sortzaile gazte bati.
Entzün Aurelie Lartigue :