33 taldeekilan, abentüaren 19 hontan abiatzen da lehiaka. 1.mailan 5 bikote, 2.heinean 12 eta 3.ean 16 lehiatüko dira. Partidak asteazkenetik neskenegün arte, arrestiri apal oroz. Multxoak barantail hatsarrean eta lehiaka martxoan ürrentü behar lizate. Erik Etxart antolatzailea:

Urdiñarbeko trinketean eskü hüskako lehiaka berrian izen emaiteko, azken egünak dira ! 3 hein ezbardin badirate, eta denentako pelota goxoa. Lehiakan, parte hartzeko izenak abentüaren 9a gabe eman behar dira. Hortako deit : Eric Etxart edo Pette Etxegarai antolatzaileak. Eric Etxart:

Lizentziadün kopürüa goiti, erakasle berri, bülego berri, eta dagün urtean Aste Nausiaren batzarria eta lehiaka irabazteko xede. Atarratzeko « Atarraztarrak » pelota batarzünaren osagarria hobetüz joaiten da ! Audela Antton Amulet jinen da trebazale gisa: eskü hüska, pala eta xisterra erakastea. Jano Solanille:

2018an 4. edizionea antolatü züan ber izeneko alkarteak, eta haren bilan oso baikorra egin dü, neskenegünean Larraineko Logibaren egin züan biltzar nausian. Maratoia ala lasterka llabüragoen egiteko 700 parte hartzale hüilantü ziren iragan üdan. Denbora eder lagün, Larraineren üngürüko bazter ederrez gozatü ziren bai lasterkalariek, baita ere jin ziren so egile güziek. Erran behar da alkarteak lan haundia egin züala komünikazioan lasterkalarien erakartzeko, web güne bat sortzez besteak beste. Ekonomikoki ere positiboa izan beita bilana, antolatzaleek baieztatü düe dagün urtean 5. edizionea antolatüko düela, 2019ko agorrialaren 3an. Hervé Amestoy :