Gotaineko Gazteak saski balu taldearen bilana egin da biltzar nausian. Lauetan hogei eta hamazortzi lizentziadün, bederatzi ekipa dira , hogei eta hamar mila euroko aitzinkontüa, departamentuko txapelketan parte hartzen düe ekipa güziek. Sasua heinbat ontsa iragan zaie haleik ere jokülariak galtzen dütüe azken urteetan, bereziki hamalau eta hamabost urte düen gazteek üzten düe maila hoberenean. Hortaz damützen dira ardüradünak. Hori bürü egiteko Xiberoko zazpi eskoletan ebili dira iragan bedatsean saski balua erakusteko haurrer. Sartzea eginen da setemearen 5ean , hor ikusiko da eia denak hor izanen diren edo ez. Bestalde, gehitüen 2. ekiparentzat jokuüari eskas da , hamazazpi urtez goitiko direner dei bat eginik zaie. Arnaud Lougarot :

Euskal Herriko txapelgoan ala Frantziakoan Mauleko Pilota batarzünako pare andana batek parte hartü züan, mail ezbardinetan. Ebilbidea llabürra izan da zonbaitentako eta lüzeagoa beste zonbaitentako. Bigerren kasü hortan izan dira Hervé Elissiry eta Gilles Lafitte. EHko 2. Mailan eskü üskako arrabotüko txapelgoan final erdietara heltü ziren eta Frantziakoan finalean galdü züen Sarako pare gottor baten kontre. Emaitza hon horier esker, SAM Pilota batarzünako pare baten presentzia segürtatü düe dagün urtean mail berean. Pilotarien parte hartzearen bilana egin dügü Cédric Zamalbide-rekin eta oro har ere pilotaz mintzatü gira. Cédric Samalbide :

Uda hontan, igeska batarzünak Euskal Herriko batarzünen arteko lehiaka irabazi dü lehenik. Departamentüko lehiaka ezberdinetan aldiz, ehün podium kasitü dütüe parte hartü düen berrogei eta hamar igeskalariek. Akitania Berriko lehiaketan azkenik, hogei eta hemeretzi titülü irabazi dütüe indibidüalki eta lau taldeka. Hortik Martin Colas eta Elise Etcheto sailkatü dira Frantziako kopan parte hartzeko eta emaitza honak kausitü dütüe, Akitania Berriko taldeak kopa irabazi düalarik. Oso botzik agertü zaikü ondorioz René Castel trebatzaileak. Taldeko emaitzak direla oritarazi deikü, berrehün eta hiruetan hogei eta sei kide beita batarzünean eta bederatzi trebazaile. Denbora eder lagün, igeskagian, jente hanitx iragan dela ere üda hontan gehitü deikü, pizina berriaren zabaltzeaz geroztik sasoi hoberena izan beita. Azkenik, Xiberoko gazte güziek igeskan jakin dezaten, Xiberoa Herri alkargoak finkatü züan helbürüa, bete egin dela ere baieztatü deikü, kolegioan sartzen diren gazteen ehüneko lauetan hogei eta hemeretziek igeskan badakielakoz. René Castel :

Rugby sasoi berria prestatzen ari da Mauleko SAM Rugby taldeak. Astean kurtsean hiru trebatze egiten dütüe üztailatik eta txapelgoaren lehen egünaldiko Hazparne errezebitü aitzin, adixkidantzako partida bat jokatüko dü Hernanin eta prestakuntza egünaldi bat eginen dü. Bi sasoin artean jokolari gütti joan da, Kevin Chütahandy Aramitzera eta Joël Garikoitz Donibane Lohitzünera. Sartzeetan, Reichel artekoen taldetik, gazte andana batek gehitüen taldea azkartüko dü, Remi Laplace-Claverie ützültzen da, Romain Caballero Miarritzeko Espoir taldeko kapitain zena 3. Lerroa ere horra da, Ismael Lorentzo Orthezeko 2. Lerroa ere, eta azkenik Jacques Vergez aitzinekoen trebazailearen ordez, Maulen denboran ari izan zen Christian Tabanez ariko da. Multxoko beste taldeak, eskualdekoak dirateke, Girondatik, Floirac, Lormont eta Salles, Landesetatik, St-Paul les Dax, Peyrhorade, Hagetmau eta Bokale, Biarnotik, Ortheze eta Aramitze eta Euskal Herritik, Hazparne eta Hendaia. Txapelgoa beraz setemearen 8an hasiko da, Marius Rodrigo zelaian Hazparneren kontra. Henri Etcheverry :