Beñat Marmissole Atarraztarra mündüko seigerrena da trail skyrunning txapelketan. 21 eta 70 kilometren arteko lasterketak dira petigoa gaitzekin skyrunning delako txapelketan. Düala bi urte bere ebilbidia abiatürik, bere Frantzia heineko emaitza huneri esker, sasu xuri bat bizitü dü Beñatek. Aurten aldiz lehen postüak baizik ez dütü ikusten, irabazle Bulgarian edo orano bigerren Italian. Sasua atzo ürrentü da xiberotarrarentako eta mündüko seigerren ürrentzen dü profezional hanitxen aitzinean. Beñat Marmissole :

Maiatzan abiaturik, euskal presoen süstengüz, hilabete oroz Nafarroari lotürik den mendi tini bat igaiten düe, bizikletez, zoingehiagokan. Lizarrieta, Otxondo, Izpegi eta Ibañeta ondotik, Larraine edo Utürzehetako lepoa dükie neskenegün goiz hontan. Izena aitzinetik emaiten ahal duzue interneten bidez « Nafar erresumako Krono eskaladak » joitez; edo neskenegün goizan abiatügabe, hots 9.30tarik aitzina. Alkarrizketa Mattin Alda Rafu antolatzalearekin:

Ez düe aurten 4. ützülüaren heina igaranen Mauleko Zanko Balu taldeak. Erran behar da talde gotor baten kontre ari zirela : Genet d'Anglet izenekoa. Hau 3 maila gorago ari direlarik. Jente andana zelai bazterretan, eta partida ejerra egin düe Mauletarrek. Nahiz eta 6 eta 2-ko emaitzarekin ürrentü den partida. Orai akitaniako kopan sartürik dira eta hor ere bai talde azkarren kontre erorten ahal dira. Allande Uthurralt eta Jakes Jaragoyhen heben entzüngai, partidaren ondotik :

Camille Lopez Sohütarraren berri hartü dügü !! Jarraikitzen düenentako, ikusi düzüe azken minütako drop bat sartü düala frantziako zelekzionearen mündüko kopako lehen partidarentako. Eta taldea irabarazazi dü ustikata horri esker. Erringarri, hedabide eta sare zozialen bidez ustikata franko biltzen düan Clermont-eko zabalzalearentako. Nola bizitü dütüan agertü diren kanbioak eta mündüko kopako lehen ürrats horiek eta geroa ere aipatü deikü gure astelehenozko kirol magazinan Camille Lopez: