Xiberoko gaü eskolak apaidü eta kontzertü gaüaldi bat antolatzen dü neskenegün hontan urte oroz bezala. Gau eskolako ikasleak jünta ditin eta euskal giro batetan murgil ditin egina da. Arratseko 8.30tan zopa eta pastetx badirate, txütik jateko, 10etan Doctor Mephisto taldeak kontzertüa hasiko düalarik. Talde horrek blues rocka egiten dü, hirunaka arrakasta bazüen, orai 9naka horra dira sekülako giro baten sortzera. Xehetarzünak Patxi Patalogoitierakaslea eta Jo ikaslearekin :

Irakurletarik bazide,Barnekaldeko Irakurlen Klüba arrajiten da berriz ere libürü baten barnatzeko. Oraikoan Bildozen izanen da hitz ordüa ostirale arratsean Allande Etxarten libürüaren aipatzeko « Matalaz ez balitz zaldiz agertü » izenekoa. Matalaz-en denborako gertakarietarik abiatüz ixtoria ttipi elibat bat asmatü dütü idazleak ; Iban personaje baten bidez gertakarien kontatzeko. Ibanek oraiko lekü izenak, ordunko kargüdünen izenak eta artxibetako paper zaharrak bildü dütü.Herexa horiekin idatzi historiek, xiberoan jentea nola kokatü zen eta nola antolatü zen erakusten due. Eüskaraz eta frantsesez idatzirik da libürüa. Hitz ordua ostiralean Bildozen herriko gelan gaüko 7orenetan. Allande Etxart idazlea :

Mauleko kültüraldiaren ikusgarri nausi gisa presentatürik izan da hau. Hala da arrakasta handia düala Cédric Chapuis-k ; hura izanki aktür, baita ere idazle eta eramaile bakotxa. Oren bat eterdiz errügbiaz eta kirolaren üngürükoetaz ari zaikü. Harek ere bai errügbian erauntsi dü. Bena errügbia maitatü ala ez oroer laketzen ahal zaien emanaldi bat eskeinirik da. Hitzordüa 24ean, neskenegünez, Maule Baitha zinegelan arratseko 9orenetan. Chrystelle Mange Mauleko kültür ardüradünarekin xehetarzünak :

Paueko « Lagunt eta maita » euskaldünen alkarteak 50 urteen ospatzeko, ikusgarri bat emanen dü Paueko Zenith-ean. Bihotza mintza, oren bat eterdiko iuksgarria date nun dantza, kantore, antzerki eta bideo uztartüko dütüe. Istorioaren aldetik Eüskal Herritik joaiten den Johañeren gorabeherak kontatzen duütü ikusgarriak. 60 aktürrek parte hartzen düe Christian Larralde-ek eramanik. Hitzordüa emanik barantailaren 24 hontan, 20.30tan jakitez emanaldiaren ondotik jateko eta edateko badatekeala Paueko Jai Alaiean, Koxegi taldeak alaitürik. leküak salgai dira Xibero Bion edo 05.59.02.09.43 zenbakialat deitzez edo Zenith-aren webgunean. Frantxoa Challet Lagunt eta Maita alkarteko bürüa :