Egütegiak Eüskal Herriko lau kantari famatüenetarik bi hilabetez jinarazi dütü Xiberoalat. Hebentik kültür alkarteak dü Natxo de Felipe jinarazten. Barkoxen, hilabetoroz talde bat biltzen beita kantatzeko, Xiloenean eginen da neskenegünean, 21:00etarik goiti. Xehetarzünak Mixel Etxekoparrekin :

‘Lürzaindia' egitüraren alde, 'Muskildi bizi' alkarteak urtoroz bezala kabaret gaüaldi bat antolatzen dü, non kantoreak eta lehenoko historioak üztartuko diren. Hala, lehen partean « Inganamundo » ikusgarria badate, Jean-Mixel Bedaxagar historia kontalari gisa, Mixel Etxekopar eta Sacha Standenek sonüz lagüntürik. Ondotik Mairu dantza taldea date, Mirentxu Aguerre eta Xabier Itzainak emanik. Horiek europa, amerika eta afrikako ahaideak emaiten dütüe. Gaüaldian bildü sosarekila, Arrokiagako Eskanda etxaltearen erostea lagüntürik dateke. Gaüaldia, Muskildiko Posonpes gelan date 21:00etarik aitzina. Popol Boscq, 'Muskildi Bizi' alkartekidea:

Prefosta alkartekoak, aste oroz ostirale gaüen alageratzeko xedearekin abiatü dira azken urte horietan. Eta, ostirale hontan, Ruper Ordorika Eüskal Herriko kantari famatüenetarik bat da jinen da, bere gitarrarekin, kontzertü ejer baten proposatzera. Hitzordüa, 21:00etan, Atarratzeko trinket ohian. Ruper Ordorika:

Hau aldizkariak bere 9. aldizkariaren argitalpenaren ospatzeko gaüaldi bat antolatzen dü Gamereko ostatüan. Gaüaldi hontara, « l’Homme augmenté, l’humanité diminué » geiaz mintzatzeko, Philippe Baqué idazlea jinen da. Gei hori jorratü dü bere azken libürüan ; hortan, ikerka bat joanarazten dü dü, bere bizian hoinarritzez. Ondorioztatzeetan, erakusten dü, zientzia, osagarri sailean ere, merkatü eta sosaren zerbütxüko jarririk dela. Gaüaldia, arratseko 20:30etan abiatüko da Gamereko ‘Agerria' ostatüan. Philippe Baqué :