1987an sortü den komite internazionalista edo Askapena alkarteak bere lanen aurkezpen bat eginen dü ostirale hontan Maule-Lextarreko Zinka ostatüan. Bere 30 urtebürüaz baliatzez, jente haborori ezagütarazteko gogoarekin horra dira. Hainbat herriekin harremanak dütüe eta honarat jitekoan, Xiberoan ari den BDS alkartearengana joan dira bakoitxak bere lana esplika dezan ostiraleko gaualdi hontan. Askapena Amerika Latineko herriekin hasi bada lanean, hanko mugimentü sozialak ikasten, (harat joaiten, hanko esperientzia sozial eta politikoak ikasi) orai Katalunia eta Bretainarekin harremanak dütüe ere bai.
Izenaren emaiteak apirila ürrentzeala arte honartürik dira (Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. mailera). Bena xehetarzün habororen ükeiteko hobe düzüe Zinkala jinik arrats hontan, 8-etarik goiti pintxoak ere badiratekealarik. Ondotik Askapena eta BDSen aurkezpena, 11ak altexean Les extracteurs de jus xiberoko talde berri bat ariko delarik.
Joanmi Rodriguez Askapena alkartekoa :

Atarratzen, bi errefüxiatü familien errezibitzeko mobilizatzen eta antolatzen hasi dira. Berriki jakinarazirik izan da, martxoaren 21ean Xiberoala heltüko zirela. Düala bi urte Herriko Etxeak deliberoa hartü züan iheslari familia bati batzarriaren egiteko bena ikusten ahal den bezala gaüzak zinez lüzatü dira. Azkenean laster heltüko dira eta familia bat bera izateko ordez bi izanen dira. Lehen familiak errefüxiatü estatüsa ükenik dü eta bigerrena, aldiz, üko egin deioe, bena dei egin dü. Herriko Etxeak bi alojamentü eskentüren dütü eta, horrez gain, errefüxiatüek Frantses estatüaren lagüngoa desbardinen züzena ükenen düe. Alkartarzünaren antolatzeko « Besteekin » alkarteari dei egin deio Atarratzek, sail hortan esperientzia beitü. Herritaren lagüngoa halere baitezpadakoa izanen da, egünoroztako bizitzean traba güzien gaintitzeko.
Domino Hastoy zinegotxia :

Maule-Lextarreko herriak gogoeta bat abiatu dü hiriaren antolakaz, ondoko 10 urterentako. Ikerka bülego batek lagüntza ekarriko dü eta herritarrer galteginik zaie parte hartzea gogoetan. Lehen bilküra püblikoa martxoaren 16an agitüko da. Bada zer egin, zeren eta Maule-Lextarren bada etxe handi hüts hanitx beita, zoinen jabeek ez düen ahalik zaharberritzeko. Beste gogoeta geietan dira : nola saleroska saila hobetzen ahal den, hoinez edo pirripitaz ebilteko güneak behar direnez? Ühaitz bazterra nola hobeki baliat ? Eta besterik… Hona, nolako gogoetaldia proposatzen den Mauletarrer. Hitzordüa : martxoaren 16an arrestiriko 5ak eta erdietarik goiti, Maule-Lextarreko Herriko Etxean. Lau gogozkagei plantatüren dira eta antolakarentako hobe lizate izenen emaitea aitzinetik 05 59 28 18 6705 59 28 18 67 telefona zonbakiala deitzez.
Xehetarzünak Mixel Etxebest-rekin :

Bernard Uthurry, Olorueko esküalde kontseilaria, sozialisteen haütagei izanen da 4. bozka-eremüan! Pariseko Alderdi Sozialistaren baimen ofizialik gabe abiatzen da, bena, halerik ere, leküko sozialisten eta departamentüko federazionearen süstengüa badü. Parisen tratükak badira eskerreko beste alderdiekin eta haütageien izentatzeak berant handia hartzen dü. Lüze joanen delakoz , B. Uthurry-k erabaki dü kanpainan sartzea. Laugarren bozka-eremüa, Biarno eta Eüskal Herriaren artean da eta joaiten da Aspe ibarretik Baigorri artino, orotara 220 herri badelarik. Bozka kanpainan herri güzietara joanen da eta lan eginen dü ere, ekonomia saileko ardüradünekin.
Bernard Uthurry :