Xiberoko Azia alkarteak lan egiten dü gazten lagüntzeko trebapen edo lan baten atzamaiteko. 2016an, 200 bat gazte lagüntü dütü motibapen gütün edo lanpostü batentako alkarrizketen prestatzen. Gazteen lagüntze hortaz gain,"enplegüaren gida" bat plantan ezarri düe. Aziaren helbürüa nausia da gazteak Xiberoan egonaraztea eta hortarako gazteen eta ekonomia bai kültüra sailen arteko zübüa egin nahi dü. 2017ko egitasmüetan, "Enpleguaren gida"-ren presentatzeaz bestalde, gaüaldiak antolatü nahi dütüe herrietan. Halaber, Aziako animazale lanpostüaren segürtatzea gogoan düe, entrepreser sos-lagüngoak galtegitez.
Joana Hoki :

Astearte hontan bi errefuxiatü familiari batzarri eginen deie Atarratzen. Herritarretaz gain ‘Bestearekin’ alkarteko kideak antolatü dira batzarri eta egonaldia ahal bezain hona egiteko. Oritaraz dezagün errefüxiatü estatüs edo ezagüpena ezeztatürik izan zaiela, üko egite horrek ondorio larriak dütüalarik, hots Estatüaren partetik lagüntzarik ez. Hortarako behar den lagüngparen emaiteko eginahalak eginen dütüe atarraztarrek. Jateko, lo egiteko, frantsesaren erakasteko, administrazionearekilako traholentako, errefüxiatü ezagüpena arragaltatzeko eta beste. Errefüxiatüak Pauera heltüko dira hegazkinez ; ondotik Oloruen aterpetürik diren beste errefüxiatü elibatekin batzarri ükenen düe han berean. Azkenik, Atarratzerat jin behar direnak, aüzapezarekin jinen dira eta herriaren bisita eginen. Haatik Atarratzen diskretoki heltü nahi dira.
Besteekin alkarteko Stéphane Péronnin :

Estatüaren eta Departamentüaren lagüntzen apaltzearengatik, Maule-Lextarreko hiriak 300.000 euro galdü dütü azken urteetan. Ondorioz, 2017-ko aitzinkontüen egiteko, alkarteer emaiten zaien sos laguntza %5-ez apaltüko da bai eta ere, haütetsien hilabetesaria ere! Erabaki zorrotzak hartü behar izan direla, aitortü dü Michel Etxebest Maule-Lextarreko aüzapezak. Kültür eta gazte sailak dira haboroenik honkirik apaltze horrez. Audela, herriko legarrak emendatüko dira %1ez eta herriak dütüan egingei zonbait berantago eginen dira. Halerik ere egitasmü zonbait aitzina ari dira, hala nola, Agerriako hotelarenak, honek bortak zabaltüko dütüalarik maiatz ondarrean. Bestalde, Xiberoko errügbi taldeen bateratzeaz, Michel Etxebestek uste dü beharrezkoa dela zerbaiten egitea, ikusiz gazteriaren zonbata edo nonbrea apaltzen ari dela.
Michel Etxebest :

Lehen hitzaren eüskaraz egiten ausartzeko ikastaroa igaran da aste ondar hontan. Urepeleko Xan Jin da erakastea eüskara nola izaten ahal den haboro baliatürik bakotxaren egünoroztako bizian. Hala, erdaldün batekin mintzatzekoan teknika eta egoera bereziak dira aipaturik izan. Eskolatzeak egin ondoan, obratzeak egin dütüe eta hainbat egoera aipatü, egoera zehatz elibatetan eüskaraz nola aritzen ahal den ikertzez.
Xehetarzünak oro Xan Airerekin: