Ekonomia - Turismoa

: Ekonomia / Turismoa; 2012 Martxoa 29; Agerraldiak: 2167

Arte Ofizioen Europear egünaldiak

Arte Ofizioen Europear Egünaldiak iraganen dira martxoaren 30, 31an eta apirilaren 1an. Honen kari, arte ofiziale andana baten lankiak zabalik izanen dira. Berezitürik diren departamentüko lau ikastetxeek ere parte hartüko düe. Ofizialeen ekoizpenaren ezagütaraztea da helbürüa bena ere formakuntzen erakustea eta ororen bürü, noiztenka desagertzekotan diren ofizio zonbaiten zaintzea. Xiberoan, Laurent Caudine ordülari zaharberrizailearen lankia bijita daiteke, ostirale, neskenegün eta igantean, goizanko 10.00tarik egüerditara eta arrestiriko 14.00etarik 19tara.

Entzün Myriam Allein Ofizialeen Kanberakoa :

: Ekonomia / Turismoa; 2012 Martxoa 23; Agerraldiak: 2199

Indüstriaren astea Ipar Eüskal-Herrian

Indüstria saileko ofizioen hobeki ezagütarazteko, Indüstriaren astea antolatzen dü Eüskal-Herriko Indüstria eta Merkataritza Kanberak. Martxo hontan, ikastetxe ezbardinetako 150 bat ikasleek eta langabezian andana batek, partaide diren Ipar Eüskal-Herriko 9 enpresak bijitatzen dütüe. Maulen Alkar enpresan, Sohütako lizeoko 20 bat ikasle izan dira. Helbürüa da, indüstriagintzako ofizioen itxüra hobetzea, bere lan merkatüaren eskentza eta formakuntzak ere ezagütaraztea. BTS edo ingeneritza bena ere CAP edo BEP heiñeko lanpostü ezbardin andana bat proposatzen dütü indüstriak. Ekonomiaren hirugarren sektorea da Ipar Eüskal-Herrian, 1750 enpresa eta 13000 langileez osatürik. Lanpostüen %18a indüstrian da.

Entzün Philippe Ascone Alkar enpresako bürüa :

: Ekonomia / Turismoa; 2012 Martxoa 20; Agerraldiak: 2182

Crédit Agricole banka etxeak bi alkarte lagüntzen

2150€ eman dütü Xiberoko "Crédit Agricole" banka etxeak Xiberoko bi alkarteer, Hebentik eta Kanta Xiberoari. Nola posible den ? Crédit Agricolaren baitan den IDL "Institut de Dévelopement local" kütxa bati esker. Sos hau, kültüraz edo sozialaz ardüratzen diren alkarteak lagüntzeko baliatürik da. Xiberoko Crédit Agricoleko administralariek deliberatzen düelarik alkarte baten lagüntzea, eskualdeko arduradüner xedea presentatzen deie eta haiek düe erabakitzen lagüntzea edo ez.

Entzün Félix Laxague Kanta Xiberoa alkarteko kidea :

Entzün Mixel Etxekopar Hebentik kültür alkartekoa :

Entzün Jean Baudéant Crédit Agricoleko administralaria :

Irakurri gehiago ...

: Ekonomia / Turismoa; 2012 Martxoa 20; Agerraldiak: 2378

Irabarneko jauregia aterbetzeko prest

Irabarneko jauregiaren estrenatze ofiziala egin da martxoaren 17an. Mauleko herriak erosi eta dirustatü düan jauregia, “Irabarneko Jauregia” deitü alkarteak kudeatüko dü. Bi urteko berantarekin eta 3 miliu euroko aitzin kontüarekin obratü da. Orotarat, bost pertsonak lanean dira jenteen errezebitzeko. Jauregiko aterbearen joanaraztea alkartearen esküpean da, urtean 94000 euroko alokaidüa ordaintü beharko dü Mauleko herriari eta 12000 “gaüaldi” segürtatü. Hots, lan handia bena egingarri dena, Mixel Etxebest Mauleko aüzapezarentako.

Entzün Mixel Etxebest Mauleko aüzapeza :

: Ekonomia / Turismoa; 2012 Martxoa 16; Agerraldiak: 2037

Xiberoan seigerren CLEJa abiatüren

Gazteek gaüzatü nahi dütüen xedeen lagüntzeko 6. CLEJ bat sortüko da laster Xiberoan. Bostgerrena ez bada ere osoki ürrentürik, bildürik izan den sos zionea apürtzen ari da. Hortakoz, berri baten abiatzeko behar agertzen da. 5. CLEJ-an 8 xede lagüntürik izan dira. Orotarat, 37000 eurok prestatürik izan dira, interesik gabe . Xede haboroenak, ofizialgintza eta komerzioan bürütü dira eta gehienetan gizonek dütüe eraman. 2000 urteaz geroz, CLEJ-ek arrakasta geroago eta handiago ezagütü düe. Egünko egünean, 167 sos prestazale kontatzen dira. Hots, züek ere lagüntza ekarri nahi badüzüe edo xede eramaile bazide, harremanetan sartzen ahal zide Atarratzen den Azia alkartearekin.