XÜXENEAN ENTZÜN

Ekonomia - Turismoa

«Xiberoko etxeen egiteko manera nola sustat ?» Galto honen üngürüan gogoeta bat eraman dü Xiberoa herri alkargoak eta bi aholkü libürü plazaratü dütü. Libürü batean agertzen dira xiberoko etxe mota ezbardinak eta etxeen arraberritzeko aholküak emanik dira. Bestean aldiz, etxe bat egin aitzin eraman behar den ibilbideaz da. Astelehen goizan, aurkezpena egin da etxegintza sailan ari diren ofiziale, teknikalarier bai eta ere hautetsier. Xiberoan agertzen den arrenküra nausia da, etxe hüts franko badela herri zentroetan, etxeak egiten direlarik herri bazterrean. Hots, sensibilizatze lan bat eraman beharko da, usaintxeen kanbiatzeko, lür gütiago etxe egiteko erabiltzeko, herri erdietara berriz bizitzera jentearen jinarazteko. Eraman den gogoetan agertü da badela nahikünte bat gaüzen kanbiarazteko. Aholkü libürüak Herriko Etxeetan ediren dütüzüe.
Jean Pierre Iriart alkargoako haütetsia :


Sandrine Iratçabal arkitektüra sailako ikaslea : 

Jean Jacques Etxeberri Urdiñarbeko hargina : 

Turismaren Bankoa sortzeko ürratsetan da Crédit Agricole banketxea. Turisma sailako ofizioko güzieri, eskeintza egokiaren proposatzea da bere helbürüa eta hortarako ofiziokoen lagüntzarekin sortzen ari da eskeintza berria.Turisma saila berezia beita, hortarako formatürik diren langileak ezarriko dira, ofizioko jenteen zerbütxüko, leküko agentzia güzietan. Bedatsean hasirik den gogoeta, larrazken hontan jarraikiko da eta urte ondarra gabe lehen proposamenak zabaltüko dütü.
Marie-Dominique Desagher xede eramailea :

Eticoop alkartea, enpresa sortzea, garapena, ala transmizioa, baita berrikuntzaren bultzatzeko, kooperatibismoaren ispiritüan eta lürraldearen zerbütxüan, sortü da urte hatsarrean. Baliabide berezia proposatzen dü enpresabürü geien lagüntzeko, xedearen hontzeko, finantzabideen atxemaiteko eta hiru urteko jarraikia. Enpresen transmizioarentako ere beste baliabide berezia eskeintzen dü. Azkenik, formakuntza berezia ere proposatzen dü Crédit Agricole banketxeko langileentzat, alkartarzünezko ekonomia tratamentü berezia galtatzen beitü. Erran behar da, Crédit Agricole banketxeak düala Eticoop alkartea sortü. Interesatürik denak, eticoop.fr web günean aurkitüko dütü xehetarzün güziak.

Jean Mixel Larrasquet züzendaria :

Dyn'aero, Dijon-eko egazkin ttipien egiteko enpresa ez dügü orainokoan Xiberoan ikusiko. Oroitzen gira, Artzainak taldeak züala, Dyn'aero, trenpü txarrean zen entrepresa erosi, iragan urtean. Urte batez, Artazinak taldea lanean aritü da, enpresa Euskal Herrira hüilantzeko. Bena, aerodromo baten ükeitea ezin bestekoa da enpresa honentzat. Xiberoan holakorik ez beita, eta baten sortzeak lauzpabost urteko ikerketa galdegiten beitü, anartean, Dyn'aero enpresa, Paueko aireportüala hüilantürik izan da setemere hatsarrean. Enpresak hamahiru langile dütü, Dijon-etik jinik lau direlarik.

Entzün Mixel Etxebest Artzainak taldeko bürüa :

 

Argazkia : Laurentx EtchegoinMauleko Alkar kooperatifak, 30. urte bürüa ospatzen dü aurten. Lauetan hogeieko hamarkadaren hatsarrean, langabezian aurkitü zen multxo batek züan enpresa sortü eta geroztik garapena haundia ezagütü dü. Burdinazko zürtajeak egiten dütü. Bordalen, Okzitaniako Tolosan eta Montpellieren adarrak zabaltü dütü azken urte horietan. 100 langile dütü enpresak, eta 20 millioi euroko salmentak. Alkar enpresaren sortzea eta garapena kondatü deikü Philippe Ascone-ek, entzün :

Ausaz

Kronika

Emankizüna

Artxiboan