XÜXENEAN ENTZÜN

Ekonomia - Turismoa

Xiberoko CLEJak 10 gerren urtebürüa ospatzen dü aurten. Horren kari, Azia alkarteak bürütü düen CLEJen bildüma egin dü. CLEJ delakoetan, partaide bakotxak urte batez hilabete oroz 15 euro emaiten dütü, hots 180 euro. Bildü sosarekin, enpresa sortzeko edo arrahartzeko xede düen gazteak lagüntürik dira, interes gabeko mailegü baten bidez. Bildüma hortarik ohart etxekitzen ahal da, orotara 5 CLEJ delakoak izan dira. 316 jenteek sosa prestatü düe 37 xedeen lagüntzeko. Orotara 123 000 euro prestatürik izan da, bata besteko lagüntza 3 400 eurokoa izan delarik. Xede eramaileak ber heinean partekatzen dira Xiberoko bi kantonamentüetan. 37 xede eramaileetan, 8 emazte bazen, 26 gizon eta 3 senarremaztek eraman düe beren xedea. Xede haboroenak salerospenean eta ofizialegintzan bürütürik izan dira. Azkenean, lagüntürik izan diren gazteen heren bat sos prestazale bilakatü da ondotik. Bostgerren CLEJaren lagüntzeko edo xede eramaiteko, Azia elkartea deitü behar da 05.59.28.67.62 edo Web günealara joan azia.unblog.fr
Entzün Maia Laborde CLEJko inkesta egilea :

Altzaiko ur tratatzeko zentro berria estrenatü düe iragan neskenegünean. Obrek bi miliu eterdi kostatü düe eta ehüneko 70ko lagüntzak esküratü dütüe. Haütetsiak eta Kontselü Orokorreko kide zonbait hor ziren ikusteko ur zentroa nola ibilten den. Egün danik aitzina, Altzaiko ur düzüenek, ur sano bat edanen düzüe. Uraren tratatzeko azken teknologiak erabilirik beitira. Ura, arrainuntzi batetarik iragaiten da, non badiren arrain zonbait minbera direnak eta ura zikin bada hiltzen dira. Deiadar bat ere pizten da teknikalarien abisatzeko  ur hori ez dadin hel züen etxeetarat.

Entzün Anicet Erreçaret Altzaiko aüzapeza :


Entzün François Galin hur zentroko teknikalaria :

Espartinaren besta  ospatüko da igante huntan Maulen. Düala 50 urte Xiberoan, espartingintzak 2000 langile enplegatzen zütüan, egün soilik 80 langile direlarik, orano zabalik diren 6 enpresetan. Alde hortarik, kanbiamen handia izan bada, espartina bera ere, ütxüraren aldetik phürü franko kanbiatü da, berriz modan izan artino azken urteetan. Frantzian da merkatü nagusia, bena Europako beste Herrietan ere eijerki saltzen da eta arrakasta handia dü gazteen artean. Espartinaren feida honen bezperan, MEGAMen enpresa bürüa den Monique Marzarengana joan gira, bere enpresaren ezagützaren egiteko eta espartingintza zertan den ikusteko.
Entzün Monique Marza (frantsesez) :

Donibane-Lohitzüneko  arrantzaleak Maulerat jin dira salmenta xüxen baten egitera.  Üztaila  hontan,  lehentze,   berrogei familiek arrain fresko zare esküalatü düe. AMAP sistema baliatüz, aitzinetik arrain komandak egiten  dira,  izenak hartüz  eta ordaintzez. Manatürik diren zareak ekarririk dira bena  ez haboro.  Azken arrantzükan bildü diren arrainak ekarririk dira eta azken xaxkian adibidez ürre arrain, legatza eta  berdel oso freskak ziren. Salmenta xüxenaren bidez, erosleak kalitatezko mozkinak erosten dutü prezio hon batetan eta arrantzaleari bere salmenta segürtatzen prezio xüxen batetan. Hilabetan behin salmenta eginen da eta ondoko hitzordüa agorrilaren 26ko finkatürik da Maule-Gaineko plazan.

Entzün Maider Sarasola :

Iratiko oihanaren üngürüko xedeaz hitzarmen bat izenpetürik izan da iragan asteartean, Otsagiko "Casas de Irati"-n, Zalazar eta Xiberoko sindikataren artean. Xede horren baitan Xiberoko partean, baita ere "Casas de Irati"n bi eraikin handi altxatürik izanen dira eta bi parteen arteko oinez ibilteko xendak lotüko dira.

Xiberoko partean, eraikinaren obrak 2011 urteko bedatsean hasiko dira eta urte bat iraünen düe. Xede hortaz xehetarzünak ekarri deizkü Xiberoko sindikataren lehendakaria den Jean Pierre Mirandek :

Ausaz

Kronika

Emankizüna

Artxiboan