XÜXENEAN ENTZÜN

Ekonomia - Turismoa

Negüa eta bedatsea ez dira hon izan Xiberoko Botingoarentako. Lehenik, bortüko bideek sofritü düelakoz eta güneka lürtzeak izan direlakoz. Botingoako ardüradünek uste düe, ondorio güziak berantago ikusiko direla, bideak ahültürik izan beitira. Bestalde, bortüka berantarekin egin da eta artzainek belhar güti baizik ez düe atzaman alagietan. Iratiko elür günean ere, elürzionea sekülakoa izanik ere, negüko sasua ez da beste mündükoa izan, heltzeko bideak frankotan zerratürik beitziren. Hatik, batzarri güne berriaz botzik agertzen dira Botingoako ardüradünak, arrenküra berezirik ez beitüe üken. Erran behar da, langileek ta egoiliarek preziatü düela eraikuntz berria.

Entzün David Tourreuil Xiberoko Botingoako ardüradüna : 


Soinüaren telekargatzeko (esküineko klika)

CLEJaren arrakasta, galtoketak eta perspektiba berrier so ezari dütüe AZIAko kideek. Azken 6. CLEJak, urte batez züan sos güzia baliatü dü sei enpresa sortze xedeen lagüntzeko, destorbüz hiruzpalau urte iraüten züalarik. Arrakasta hori ihardesteko, sos lagüntzale berri txerkan hasiko da alkartea. Alde batetik, enpresetara hüilantüko dira lagüntza galtatzera, bestetik, deia zabaltzen düe nahiant güzier 180€ko sos prestatzera. CLEJ-ak baliatüko dü sos hori, beste enpresa sortze xedeen lagüntzeko, Xiberoko ekonomia azkartüz. Abantzatütako sosa enpresek ützüli ondoan, berriz arragibel ützülirik zaie prestazaler. CLEJaren lana goraipatzeko, 13 urtez 48 xede lagüntürik izan dira, 79 lanpostü sortürik eta orotarat 166 315€ prestatürik izan dira. 

Entzün Joana Arhantcet CLEJ-ko kidea : 


Soinüaren telekargatzeko (esküineko klika)

Krisa egoera izanik ere, bildüma baikorra egin dü INTERFACE alkarteak maiatzeko biltzar nausian. Hargingoa edo zurgintzako inzerzio atelieren bidez, urte oroz 12 jente lagüntzen dütü INTERFACEk, lan mündüari berriz lot ditian. Olha, pützü ala mürrü zaharren arraberritzeko aktibitate hein hon baten etxekitzea kausitü dü alkarteak, bereziki ardüradünen engajamentüari esker. Egitüra püblikoen ganik ezagütza azkartü bada, ofiziale eta enpresen ganik süstengüa azkartzen ari da. Bestalde, INTERFACEko kideek esperantxa düe emazteer hobeki moldatzen den aktibitate berri baten sortzea. Hortarako, Maulen xedeetan den Espartiñaren Etxearekin partaidetza baten posibilitatea aztertzen ari dira.

Entzün Luisa Berrogain INTERFACEko kidea : 


Soinüaren telekargatzeko (esküineko klika)

"IGP- Identifikatze Geografikoa Zaintürik" delako markan, “Euskal Oihala” IGP baten sortzeko gogoetak abiatü dira berriki. Kanpotik jiten oihalen saihesteko eta leküko ekoizpenaren builtarazteko, Frantses Gobernüak elikadürako ekoizpenaz gain, manufakturakoer zabaltü nahi dü IGP bezalako ezagütpena. “Euskal Oihala” gisan ezagütürik diren oihal franko saltzen dira turister bena horietarik güti baizik ez dira heben ekoiztürik. Donapaleüko Ona Tiss enpresa, heben baratzen den ekoizle bakarrak, kanpotik ekarririk kalitate eta prezio apaleko oihalen konkürentzia salatzen dü. IGP baten sortzeko ürratsa süstengatzen dü eta esperantxa dü gobernüak egitasmüa bürüala artino eramanen düala. 

Entzün Maialen Pondaven Hourcade ONATISS enpresako ardüradüna : 


Soinüaren telekargatzeko (esküineko klika)

Xiberoko garapenaren zerbütxüko, Lürraren Politika finkatzeko ürratsetan da Xiberoa Herri Alkargoa. Zentzü hortan egin da lürraren zerrendakatze estüdioa. Etxebitza, garapen ekonomikoa eta planifikazioa, atalez atal egoera aztertürik izan da eta desafioak argitara eman dira. Gogoeta eta ekintza ildo zonbait proposatürik izan dira alkargoaren azken biltzarrean, hala nola, etxebizitzaren arraberritzea builtaraztea, eraikitzeko lürren kudeatzea eta koordinatzea Xiberoa mailan, lür erreserben egitea SAFERen partaidegoarekin eta SCOT delako baten egitea Xiberoa mailan besteak beste. Urte ondarreko, eramaiteko ekintzak zehaztüko dira, lehentarzünak finkatüko dira. Ikus Lürren zerrendakatzea.

Entzün Yannick Vieux EPFLko aniamzailea : 


Soinüaren telekargatzeko (esküineko klika)

Ausaz

Kronika

Emankizüna

Artxiboan