Iragan asteetan, Jean-Marc Haristoyen gütün idekia aipatzen geneizien, zointan ere salatzen züan Xiberoko hiru errügbi taldeek ez züela lüzaran etxekitzen ahal. Ondorioztatze horrekin akort agertzen dira klübetako hiru presidentak, nahiz eta ez düen eztxit ber maneraz ikusten. Barkoxen eta Mendikotan bi haütü badira : Maulerekin jüntatzea egün batez ala gazteekin egiten düen bezala jarraikitzea ABM taldearekin, erran nahi beita Barkoxe Aramitze eta Mendikotako taldeekin, txipitik lehen ekipala artino. Aramitzek egitasmü bat badü aspalditik abiatürik eta kümitüa igorri deie jadanik beste bi klüber. Mauleren aldetik aldiz Mendikota eta Barkoxekin lan egiteko gogoa bada bena orai berri abiatürik düe xedea eta argiki beranta düe Aramitzeko egitasmüaren eretzealako. Halere, hiru klübek, bakotxak bere aldetik jarraiki nahi lükee urte batez pürü orano.
Francis Barantole, Barkoxeko alkartebürüa :

Hona nolako beldürrarekin bere bürüzagi kargüa ützi düan Jaki Eiheregarrai SAM Pelotakoak. Alta, gainetik soegitez, sail hau osagarri honean dela üdüri dü. Azken sasuan, lau finaletan partü hartü düe SAMko pelotakariek, eta bi txapel etxerat bildü dütüe. Bena arrenküra da, gehitüen gibeletik ez dela segidarik. Eskü hüskan aldiz, berriak hobe dira, Xiberoko Txapelgoari esker gazteak agertzen ari beitira gerogo eta haboro. Neskatiletan palak dü jauzi handia egiten, 6 jokülarietarik abiatürik, egünko egünean 24 beitira. Hala ere, Jaki Eiheregarraiek zioenez, pelotak Xiberoan, jarraikizale güti dütü. Jakinez, Eüskal Herriko kirolaren ikurra dela, penagarria egiten zaio. SAM Pelotak 180 bat lizentziadün dütü…. Ostirale arrats hontan dü SAM Pelotak bere bürüzagi berria izentatüko.
Jaki Eiheregarrai :

Rügbi talde zonbaiten füsione edo bateratze sailan, gütün ideki baten bidez, Xiberoko 3 taldeen bateratzea proposatzen dü, Jean Marc Haristoy, Mendikotako errügbi taldearen lagüntzaleak. Mendikota, Barkoxe eta Maulen, geroago eta haboro entzüten da gazteak gütitzen ari direla eta ez dela lüzaz hola joanen. Gütün ideki horren bidez, Jean-Marc Haristoyek gogoeta piztü nahi dü eta xede bat muntatü. Haatik, bilküra zonbait egin balinbadira ez da egingeirik elki eta hori damügarria dela dio. Bere ustez, Xiberoko errügbi eskola bakar bat egin behar da gazteentako, Barkoxe eta Mendikotak, bat egin behar düe eta Maule-ek jarraiki bere sailean. Bestalde, Biarnoko Aramitzeko taldea bateratze gogoeta batetan da eta bere proposamen bat egin deie Barkoxeri eta Mendikotari.
Jean Marc Haristoy :

Nafarroa Maule derbia joan da Nafarroa errügbi taldearen alde, doi-doietarik : 29 eta 27. Nafarroa azkarrago izan da eta Mauletarrek aldiz ez düe aski indarrik ezarri !
Beinat Queheille :