Odace alkarteko animatzaile den Jean Pierre Hitta erretreta hartüko dü arramaiatz ondar hontan. Urte andana batez, ofiziale, komersant eta enpresa sortzaileekin eraman züan hüilaneko lanaren jarraikitzeko nahiküntea berretsi dü Odace alkarteak eta animatzaile berri bat hartüko dü lüza gabe.
Entzün Beñat Elkegarai alkarteko bürüa :

Irakurri gehiago ...

Xiberoko komerzant eta ofizialeen batarzüna sortü berri da eta bere lehen biltzar nausia iragan berri da. Maulekoa desagertü da, eta Atarratzekoarekin bat egin dü.
Jean Bernard Perez alkarteko bürü ohia :

Irakurri gehiago ...

Xiberoko oihan pribatüen jabeen biltzar nausian interres handia ekarri da egür despillekin egin ahal leitekean berotzeko plaketeri. Erranik izan denaz, Herri alkargoak builtazten düan egürrez berotzeko sistemaren elikatzeko, 2 eta 4 000 tona arteko egür heina behar litzate, hein honen ekoizteko 60 hektarrako oihan eremüa behar da bana beste, Bertran Dulst, Herri Alkargoan energia berriztagarriaz axolatzen denaren arabera, hein hortaratzea ez da arazo bat. Gotaine-Irabarne eta Sohütaren artean, egür plaketaz ebiltzen diren hiru erregai badira jada, Mitikileko laborari batek deitzee plaketa horik saltzen. Erran gabe doa, Xiberoko ASAko kideek hüillanetik jarraikitzen düela esperientzia hori. ASAko Xiberotar kideek bortak zabaltü dütüe berriki sortü den, Baxenafaroakoari, alkartüz indar haboro eta administrazioaz hobeki entzünik izateko ahala badükeela uste beitüe gisa horrez.
Jean Michel Armagnague ASAko bürüa :

Xiberoko Crédit Agricole banketxeak, IDL edo "Institut du développement local" bere egitüraren bidez, leküko alkarte ezbardineri, 20000 euro heineko sos lagüntzak banatü dütü. Holaz, "La Mauléonaise y sus Mariachis" müsika taldeak 1500 euro üken dütü. Xiberoko Botza eta Mendililia irratiek 2000 euro bana üken dütüe, tresnerien hobetzeko. Beste alkarte zonbaiten artean, eskola püblikoko etxenkoen alkarteak ere sos lagüntza bat jaso dü.
Julien Erbin Banketxeko administrazailea :