Ekonomia

: Ekonomia / Turismoa; 2010 Ekaina 02; Agerraldiak: 3287

"Bada hogei urte Holzarte bazter ützirik dela"

Logibarreko nagusiak. Düala egün zonbait aipatzen geneizüen Holzarteko zübüa negü hontan tenpestak eraman ondoan, Xiberoko Sindikatak lanen egitea deliberatü züala. Hobeki erranik, deliberatürik izan zen laster hastea, zeren eta jadanik pentsatürik züen lan horien egitea, bena berantago. Holzarteko zübü hortara joaiteko abiapüntüan, Logibarren (Larraine), bazen hogei bat urte lanak egitea eta günearen zaintzea galtatzen züela. Hargatik aterpetxeko nagusiak kexü dela argiki erakutsi deigü. Bere erranetan, Xiberoko Sindikatak Iratin indarrak ezarten dütü Holzarte bazter üztez, behar diren lanak egin gabe. Audela, dio internet eta beste bideetarik jakinarazi beita zübü famatüa zerratürik dela, sasua gaizki hasi düela eta segür da gaizki izanen dela orokorki ere.
Entzün Dominique, Logibarreko nagusia :

Geroztik, Jean-Pierra "Pepela" Mirandengana joan gira, jakiteko Xiberoko Sindikataren izenean zer ihardesten zeion Dominika Logibarri.
Entzün Jean-Pierra Mirande, Xiberoko Sindikataren lehendakaria :

: Ekonomia / Turismoa; 2010 Maiatza 28; Agerraldiak: 3022

Holzarteko zübüa zaharberritzen

Hatsantürik, bena Holzarteko zübüalat heltü gira aste hontan zaharberritze lanen berri ükeiteko. Eric Alcacebe xiberotarra han günüan haidürü, lan horietan parte hartzen beitü. Oritarazi behar dügü halere negü hontako tenpestarekin abantxü zübüa osorik erori zela, eta horren ondorioz Xiberoko sindikatak ez züala hautürik üken. Düala hiru aste hasi ziren langileak soketan txilintxautzen, lehenik alde batetik bestealat sokak eta kableak tiratzeko. Pentsatürik den bezala joaiten bada, lanak üztailaren 15eko ürrentürik izan behar lirateke.
Entzün Eric Alcacebekin egin dügün alkarrizketa :

: Ekonomia / Turismoa; 2010 Apirila 27; Agerraldiak: 2534

Ofiziale eta komersantak lagüntzeko

Jean Pierre Hita OCM (Opération Collective de Modernisation) edo modernizatze operazio kolektiboa deitzen da programa, eta interesgarri bada ere, ez da hanitxenganik ezagütürik. Estatü frantsesa, eskualdeko kontseilüa, kontseilü nagusia eta Xiberoako herri alkargoako parte hartzearekin eta ODACEn artekaritza lanekin, material berri erosteko edo egoitza bat zaharberritzeko, sos kopurüaren %25 gibel ükeiten ahal lüküe galtazaleek. Haboroenik 36 000 euroko faktürak dira kontüan hartzen, eta horietarik 9 000 euroko lagüntza da proposatürik plan honekin.
Programa honek bigerren ürratsa dü Xiberoan, eta lehenean 62 enpresak lagüngoa hori üken düe. Jean Pierre Hita ODACEko langileak erran deigünaz orano bada sos, eta xehetarzün güziak alkartearen bülegoan emaiten dütüe : 05 59 28 12 49.
Entzün Jean Pierre Hita :

: Ekonomia / Turismoa; 2010 Maiatza 21; Agerraldiak: 3111

Etxebizitzen auzia, beste begietarik

Ezarririk izan ziren afitxetarik bata. Iragan astean Baionan izan zen bi gazteen kontrako auziarekin jarraikitzen dügü egün ere (xehetarzün güziak peko artikülüan atzamanen dütützüe). Beñat Etxebest ere entzüten ahal düzüe pean, nahi badüzüe alkarrizketa hau hobeki entelegatü.
Azken denboretan isilik bada ere, Xiberoan bada espekülazioaren kontrako talde bat, eta hortan parte hartü izan dü Beñat Espilek. Oraikoan, ihardokitze pertsonal bat deiogü galtatü, ez beita isilik den talde baten izenean mintzatzen ahal.
Entzün bere ikusmoldea auzi hortaz :

: Ekonomia / Turismoa; 2010 Apirila 06; Agerraldiak: 2475

Xiberoko sindikata, Iratirat so

Xiberoko sindikataren sos ütürriak bortüa, ihizteka eta egürra izan dira orai artino. Egürraren ekonomia erran gabe doa, bena beste bi sailak ere ez dira haboro hain fidagarri sosa sartzeko. Hargatik, Iratin abiatü düen xede berrian dütüe esperantza handienak (ikus heben) sindikateko langile eta partaideek. Azken bost urteetan baztertü sosarekin gei dütüe aurten lanak hasi.
Entzün Jean-Pierra (Pepela) Mirande :

Hortaz gain, aurtenko xedeetan artzainen lagüntzea ere aipatürik izan da. Ardi jeisteko eta gazna egiteko güne kolektibo baten beharra badenez ikertüko düe.
Entzün Jean-Pierra (Pepela) Mirande :