Setemerearen 2tik-10ala Hossegoren jokatüko da Zesta Puntako profezionalen Nazio arteko txapelgoa. Ipar Ameriketa, Mexiko, España eta Frantzia ordezkatürik izanen dira, Filipinek azkenik ez beitüe parte hartüko, jokülariek ez beitüe Visarik üken hunarat jiteko. Frantziak eta Españak lau pare bedera presentatüko dütüe, Ipar Ameriketak biga eta Mexikok bat. Bi kanbiamen nausiak izanen dira aurten. Lehenik, erresumetako federazionek dütüe pilotariak haütatü eta ez enpresek orai artino egiten züen bezala. Eta bigerrenik, partidak bi aldiz 15 ttanttotan jokatüko dira, hirugerren bat eginen delarik berdintzearen kasüan. Beste berritzapen ere izanen da, Kanaldudek partida güziak hedatüko dütü Nazioarteko Federazionearen internet günean, atzerapen ttipi batekin. Erdi-finalak eta finala emanen dütü ere Eüskal Telebixtak. Ostirale hontan setemerearen 2an eginen da estrenatze ofiziala arrestiriko 18tan.

Entzün Jean-Baptiste Dunate Zesta Punta Nazio arteko federazioneko kidea :

Olha-Etxeto pareak dü irabazi Maule Hiriko Zesta-Punta lehiaka 35 / 29 Olharan eta Enbilen etzean. Iparraldeko bi pilotariak bürütik bürü aitzinean izan dira beti. Olharanek agian gaztetarzünaren gatik hüts sobera egin dütüalakoz, Embilek astean zehar egin dütüan partiden akidüra següraski jasan düalakoz, ez düe bürü egin ahal izan, jüsto jokatü düan parearen kontre. Aintzin partidan aldiz, Ithurria eta Eyheregarai Mauletarrak 35/27 nausitü dira Lesbats eta Milla Hossegortarren kontre.

Entzün Christophe Olha Mauleko zesta-puntako txapeldüna :

Setemerearen 2- 3 eta 4ean, 92 otoak izanen dira iraganen den 55. Xiberoko Mendi Tinietako Oto lasterkaren abiatzean. Maulerik abiatzez ostiralean, Iratirik iragaitez neskenegünean Maidalenaren tinian ürrentzeko igantean, lehia azkarra izan behar lüke, nahiz eta Anicet Garikoitz, Patrice Couillet edo Patrick Orhategaray bezalako gidazalek ez düen aurten parte hartüko. Iragan urtean segunda gütien gatik 2 gerren leküan ürrentü züan Pierrinek agian errebantxaren txerka jinen da, bena pentsa daiteke, lekükoek, izan ditian Sébastien Urrutia edo Louis Dronde gazteak, kario saldüko düela beren larrüa.

Entzün Philippe Perez Ecurie des Cimes alkarteko bürüa :

Agorrilaren 6an hasiko da Xiberoko Eskü-Hüskako Txapelgoa. Aurten ere, herri ezbardinetako plazetan jokatüko da, hala nola, Lakarri, Altzai, Santa Grazi, Bildoze, Pagola, Garindaine eta Urdiñarben. Eskü-Hüska herri ttipietako plazetan berriz ekartea eta herri horietako pelotazaleekin algarlanean dira txapelgoaren honen helbürüak. Ipar Eüskal-Herriko hiru probintzietako pilotariek parte hartzen düe. Denak amatürak dira, maila ezbardinetakoak eta urtez urte txapelgoaren maila goratzez doala, hein batean lehen mailako pilotarien inplikazioari esker. Agorrilaren 6an goizanko 11etan Lakarriko arrabotüan bigerren mailarekin hasiko da. Jean-Mixel Bonnefont eta Yannick Exilard, Ramuntxo Christy eta Jean Baptiste Benediten kontre ariko dira. Ondotik arrestiriko 16etan Altzaiko plazan, Lehen Mailan B sailan, Patrick Irigoin eta Richard Lafuente, Olivier Cosse eta Antton Etxeberen etzean ariko dira. Ürrentzeko, Lehen mailako A sailan, Hervé Elichiry eta David Chamalbide, Olivier Landagaray eta Julien Arbeletxen kontre ariko dira. Sartzea dohainik da.

Entzün Alain Mügordoy Xiberoko eskü-hüskako txapelgoako antolazale bat :