Xiberoko Eskü-hüxskako txapelgoaren kontü jokatü behar ziren 3 finaletarik bat bera jokatü ahal izan da. Aro txarraren gatik iganteko bi finalak ezeztatürik izan dira eta dagün setemerearen 23ala gibeltürik. Halere, bigerren mailakoa jokatü da ostiralean, Didier Berazategi eta Joel Etxart, Nikolas Urruti eta Laurent Cazenaven etzean nausitü dira 30/11. Emaitzaren aldetik, aldea aski handi izan bada ere, lau pelotariek partida eijerra eskentü düe sogileen plazerarentako. Beste bi finalak setemerearen 23an ostiralearekin jokatüko dira arrestiriko 17etarik harat Urdiñarbeko plazan. Bestalde, partiden ezeztatzeaz damütürik egon badira so egileak, Mauleko Pelota Batarzünako gazteek, memento goxo baten iragaiteko parada üken düe hala ere. Sébastien Gonzalez Azkaindarra agertü beita esküko zaintzekoak edo penzamentüak nola egin behar diren erakusteko. Düdarik gabe, pelotari gaztek txapeldün handiaren aholküak baliatüko dütüe, haren ürratsean bide buxinka baten egiteko.

Entzün Dominika Aguergaray-Olhaso antolazaleetarik bat :

Didier Iribaren Xarrikotarrak dü irabazi aurtenko Xiberoko Mendi tinietako oto lasterkaldia. Bidexka gizenetan, lehia azkarra izan da, Housset Arbonarra, Dronde Liginagarra eta Iribarenen artean. Arambeltzen lehen leküan zen Houssetek hüts egin dü eta otoa hautsi, Dronderi ber gaüza agitü zaio Maidalenako kaskoan. Azkenean, Iribaren bera baratü da aitzinean eta lasterkatzea erabazi. Bere garaipena zentü zen bere anaiari eskentü deio. Erran behar da ere, bere oto prestatü deion bere aitak berritan erabazi züala lasterkatze hori, 1984an eta 1994an. Aurten ere, lasterkaldi gogorra izan da. Horren froga dügü, abiatzean ostiralean 92 partizale baziren, 29 baizik ez dira helmügala heltü igandean. Ikus zerrendaren sailkatzea.

Entzün Didier Iribaren 55. Mendi tinietako lasterkaldiko erabazlea :

Xiberoko eskü-hüskako txapelgoako azken finala-erdiak jokatü dira Muskildin. Finalak aldiz, setemerearen 18ean Urdiñarben jokatüko dira eta finalisten izenak ezagützen dütügü. Haatik , bigerren mailako partida ostiralean 16an, arrestiriko 6etan jokatüko da, Didier Berasategi eta Joel Etxart ariko dira Nikolas Urrüti eta Laurent Cazenaveren kontre. Aldiz, beste finalako bi partidak setemerearen 18ean goizanko 10etan izanen dira. Lehen mailan B sailan, Antton Etxeber eta Pierre Artçanuturry, Bastien Christie eta Peio Idiarten etzean ariko dira, ondotik lehen mailan A sailan, Julien Arbeletxe eta Olivier Landagarrai, Xabi Heguiaphal, Ximun Lukuren parean ariko direla.

Entzün Alain Mugordoy Xiberoko Txapelgoako antolazale bat :

Garindaiñen eskü hüskako txapelgoako bi final erdiak jokatü dira setemerearen 4ean. Bigerren mailan, Didier Berasategi eta Joël Etxart nausitü dira Yannick Exilard eta Jean-Michel Bonnefont-en kontre 30 / 17. Doi doia erraiteko, Yannick Exilard Lohitzüneko gaztea 14 urte baizik ez dütüala eta ezinago manera eijerrez ari izan da plazan. Ondotik, lehen mailako lehen finala erdian, Xabi Heguiaphal eta Ximun Lucu, Gilles Lafitte eta Allande Lucuren kontre nausitü dira 30 / 19. Hirugerren partida ez da jokatü ahal izan aro txarraren gatik. Dagün ostiralean setemerearen 9ean jokatüko da. Lehen mailako B sailan, Gérard Tanco eta Pierre Artçanuthury, Antton Etxeber eta Olivier Cossen etzean ariko dira. Xiberoko Eskü hüskako txapelgoaren beste final erdiak jokatüko dira setemerearen 11an Muskildiko besten kari.

Entzün Yannick Exilard eta Jean Mixel Bonnefont pagolarrak :