Maulen kirol egitürentako, bost urteko lanak presentatürik izan dira . Lehen urtea estüdioa izan bada, ondotik lanak izan dira kirolarien baldintzen hobetzeko, petankarentako axolbü bat, Jai Alaia arraberritzea, argi ezartea rügbi eta zankobalo zelaietan eta beste. Azkenean, 1 000 000 bat gora behera emanik izan da 5 urteentako. Inbestizamentü horik ikasleentako ere eginik dira, azpi kirol egitüra horik Mauleko Kolegio eta lizeo güziek baliatzen beitütüe.

Entzün Mixel Etxebest Mauleko aüzapeza : 

Mauleko bi ekipak sailkatü dira Frantziako txapelgoan jarraikitzeko. Bigerren ekipa nausitü da Arcachon-i 17/ 3 bigerren leküan finitzen düalarik. Lehen ekipa nausitü da ere Arcachon-i 27 /5 eta bigerrena finitzen dü. Apirilaren 21an dirate Frantziako txapelgoako final 16 gerrenak. Jean-Michel Arrayet trebazaleak jakinarazi dü bere postüa ütziko züala urte batez joanarazi ondoan. Lüzaz jokülari egonik, sasu hatsarrean hartu züan postü hori, ohartü da hanitx lan zela eta ez zela ontsa joaiten bere laborari lanarekin. Bestalde, Gillen Queheille 19 urteko gazteak, sasu hontan lehen ekiparekin erakutsi dü ahalak bazütüala gorago joaiteko, manerala, dagün sasuan Bordele Begles-eko formakuntza zentrola joanen da.

Entzün Beñat Queheille SAM rügbi taldeko lehendakaria : 

Nicolas Eyheregaray 24 urteko gaztea, Zesta Punta jokatzen ari izan da Estatü Batuetako Florida eskualdean. 22 urten aldepeko Mündüko Txapelgoa egin ondoan Kevin Iturria Mauleko lagünarekin, harremanetan sartü zen Ameriketako Jai Alai batekin. Jakin behar da, Estatü Batuetan Zesta Puntak lazgarriko arrakasta badüala. Han bi hilabete iragan ondoan eta emaitza honik ükenik eta experientzaz beterik ützüli da Xiberoalat.

Entzün Nicolas Eiheregaray Zesta puntalaria : 

Eskü-hüxkan, xisteran ala palarekin ari diren pelotakari andana bat bildü dira Mauleko "Pelota Batarzüna"ko biltzar nausiaren kari. Txapelgoa mailan pelotakariek ez badüe titülü irabazi, bardin sail ezbardinetan beren maila etxeki düe. Bestalde sosen aldetik, alkarteko kontüak plomatürik dira. Azkenik, üdako Zesta Punta lehiakak ez dü leheneko arrakasta üken bena nontikpaitik "Espartiñaren Besta" Pilotaren Besta bilakatü da.

Entzün Eric Samalbide Mauleko SAM Pelota batarzüneko kide bat :