Mauleko Besteen kari hasiko da Maule Hiriko üdako Zesta Punta sasua. Üztailaren 12an ostegünarekin kinielak parioak jokatüko dira eta sari andana bat irabazten ahalko dira. Ondotik, üztailaren 19an hasiko da amatüren txapelgoa, Frantziako txapelketako erdi finalistak lehiatüko dira Guetariako Olharroa Donibane-Lohitzüneko Luzaz Gazteren kontre. Gero, üztailaren 26an Hossegor Bidarteko Kostakoaren etzean ariko da eta finala agorrilaren 2an jokatüko da. Bestalde, Profezionalen txapelgoa agorrilaren 9an jokatüko da. Lehen finala erdian, Tambourindeguy eta Etchetto, Curveur eta Minvielleren kontre ariko dira. Ondotik agorrilaren 16an bigerren finala erdian, Olha Eyheregaray Foronda Mandagaran-en etzean ariko dira. Ürrentzeko, finala agorrilaren 24an iraganen da ostiralarekin Mauleko Jai-alaian. Aurten, Ipar Eüskal-Herriko beste Jaï-alaïetako lehiaketetan bezala, Hego Eüskal-Herriko bi enpresetako jokülaririk gabe eginen da Mauleko txapelgoa.

Entzün Jacky Eyheregaray Mauleko Pilota batarzünako lehendakaria :

« Ene herriarentzat igerixka eginen düt » animazio berria proposatzen dü üda hontan Xiberoko pizinak, SAM Igerixka alkartearen partaidegoarekin. Ber herriko jente, gazte, adineko, gizon, neska ala emazte, algar ondozka ahal düen luzetarzün handiena egin behar düe oren batez. Herri bakotxeko parte harzaleen nonbrea eta haurrena kontütan hartürik izanen da sailkapenarentako. Ordüan, züen herriaren ordezkatzeko arrunt planta zitaie eta izenak eman Mauleko pizinan üztailaren 5a aitzin. Animazionea dohainik da.

Entzün René Castel Mauleko Igerixkagiako erakaslea : 

Azken 5 urteetan egin den lana bere frütüa ekarten dü, hona zer azpimarratürik izan den SAM Foot alkarteko biltzar nausian. Berrogei jokülari beno haboro, orotarat kasik 180 lizentziatü dira Zanko balu taldean, büdjeta ere %30ez emendatü da. Hatik, inportantena kirol bilana da, azpimarratzeko da egün adin sail güzietan taldeak badirela, ttipietan eta gehitüetan ere. Jokülari gehitüen eta trebazaleen inplikazionea ere goraipatürik izan da, lan hanitx egiten beita gazteen trebatzeko nahiz eta eskaz bat eta arrenküra zonbait badiren asteazkeneko trebatzearen jarraikia segürtatzeko. Emaitzen aldetik, Gehitüen Lehen Taldea abantxü maila batez goratü da bena azken partidetan ez da egin ahal izan. Halere, talde osoak esperantxa hanitx dü mailaz goratzea ondoko urteentako. Erran behar da ere, biltzar nausitik landa, SAM Zanko balu taldeko egoitza berria estrenatürik izan dela, Mixel Etxebest Mauleko Aüzapeza eta Pepela Mirande Kontseilü Orokorraren aitzinean.

Entzün Jakes Jaragoyhen SAM Zanko baluko ardüradüna eta trebazalea : 

Federale 1ean egoiteko galtoa pausatü dü Mauleko rügbi taldeak Frantses Federazioan, horren berri emanik izan da berriki igaran den biltzar nausian. Arrazu ekonomikoen gatik, holako heineko talde zonbait mailaz eraisteaz mehatxatürik dira, ondorioz lekü zonbait libratüko dira. Beñat Queheille taldeko lehendakariak erran deikünaz, zorretan diren taldeak zigortü behar dira. Mementoko, bere taldea Federale 2an baldinbada, hilabete bat barne arrapostü bat ükenen düe eta erantzün baikor balinbada, jokülariekin eztabadatü ondoan delibero bat hartüko düe, Federale 1ean egonen düen ala ez trinkatzeko. Jadanik, aitzineko urteetan Mauleko taldea salbatürik izan zen gisa horrez.

Entzün Beñat Queheille SAM rügbi alkarteko lehendakaria :