Sorhuet Harismendy pareak irabazi dü Larraineko Betzüla trinketeko 10. lehiaka Xala Ducassou parearen etzean igante goizan 40/38. Ostiraleko erdi finalak bezain final ederra eta jokatüa jarraiki ahal izan düe soegileek eta Euskal Irratietako entzüleek. Irabazleak eta galtzaileak entzünen dütügü jarraikitzeko, Sorhuet eta Harismendy lehenik eta ondotik Xala eta Ducassou :

Pilotaren üngürüko zer nahi hitzordü finkatürik da aste ondar hontan Xiberoan. Lehenik Larraineko Betzüla trinketeko lehiaka jokatüko da ostiral eta igante hontan. Bi erdi finalak ostirale hontan jokatüko dira 20etarik harat. Afitxan agertzen diren pilotakarietan kanbiamen zonbait gertatü dira eta gerta dirateke oraino, bena normalki Hervé Etxeverri eta Patrick De Ezkurra, Soruet eta Harizmendiren kontre ariko dira eta ondotik Xala edo Martinez de Irujo eta Battitta Ducassou, Lanbert anaien etzean ariko dira. Finala Igantean 11etan jokatüko da. Partida xüxenean jarraikitzen ahalko düzüe Xiberoko Botzean.

Entzün Didier Berazategi lehiakaren antolatzailea :

Bestalde zesta puntan, mündüko txapelgoaren kari goi mailako partida bat jokatüko da ostirale hontan 21etan Mauleko Jaï-alaïean. Idazten dügün memento hontan, ariko diren pilotakariak ez dira ezagütüak sailkatzeko partidak beitira oraino aste erditsü hontan jokatzeko.
Agorrilaren 24an, hots neskenegünean 4. Final laurdenak jokatüko dira Altzürükün. 11etan 3. Mailan, Sébastien Queheille eta Sébastien Arla, Nikolas Urruti eta Allande Iritziti-ren kontre ariko dira. Arrestiko 16etan 2. mailan, Philippe Caset eta Arño St-Jean, Guillaume Bernard eta Thierry Intxastoïxipi-ren kontre. 17etan lehen mailan, Mixel Latxere eta Julien Arbeletxe, Ximun Luku eta Fernando Goñi III-ren kontre ariko dira.

Altzürrükün, agorrilaren 24ean, neskenegün hontan, Xiberoko eskü hüxka txapelgoako 4. final laurdenak jokatüko dira. Herriko Etxeak eta besta komiteak batzarri eginen düe pilotakarier eta soegileer osoki arraberritürik izan den arrabotüan. Paradaz baliatü gira Johañe Lapixtoi Carricaburu Altzürüküko aüzapezarekin hitz egiteko, entzün :  

11etan 3. Mailan, Sébastien Queheille eta Sébastien Arla, Nikolas Urruti eta Allande Iritziti-ren kontre ariko dira. Arrestiko 16etan 2. mailan, Philippe Caset eta Arño St-Jean, Guillaume Bernard eta Thierry Intxastoïxipi-ren etzean ariko dira eta 17etan lehen mailan, Mixel Latxere eta Julien Arbeletxe, Ximun Luku eta Fernando Goñi III-ren kontre lehiatüko dira.

Mauleko SAM Rügbi taldearen biltzar nausian 2012-2013 ko sasu ederra aipatürik izan da eta prefosta lüzaz gogoetan egonen da. Orai beste sasu bat abiatzen da SAM-entako Federal 1 an ariko beita. Berritarzün zonbait ere izanen dira ekipan, bizpahiru jokülari joaiten dira eta 10 bat jiten lehen ekiparen azkartzea. Mementoko, ez dakie orano Maule zer multxotan ariko den, federazioak ez beitü finkatü, horrek kexü gorrian ezarten dü Mauleko ardüradünak.

Entzün Henri Etxeverri SAM Rügbi taldeko lagüntzalea :