XÜXENEAN ENTZÜN

Kirola

2011-2012 sasuaren ürrentzeko bost partida jokatzeko baratzen zaio Mendikotako "Neska Gaitzak" taldeari. Igante hontan Baionako 2. taldea errezibitüko dü Etxekopaian. Gero, Arroxela errezibitüko dü 18an, 24an Limoges-en aldi date, apirilaren 1an Bruges-eri batzarria eginen zaiolarik. Apirilaren 8an jokatüko dü sasu hontako azken partida St-Yrieix-en. Mementoko taldea seigerrena sailkatürik da eta helbürüa da multxoaren erdian egoitea eta azkenean Federale 2an jarraikitzea dagün sasuan. Beraz, martxoaren 11an arrestiriko 15etan Mendikotako Etxekopaia kirol zelaian, Neska Gaitzak taldea, Baionako 2. taldearen etzean ariko da.

Entzün Christelle Harislür Mendikotako rügbi emazteen taldekoa : 

48 minuta ! Hona, zonbat denbora eman düan Laurent Galinierek Atharratze-Maule lasterka egiteko. Lehen xiberotarra Nicolas Duplaak 4 minüta haboro eman dütüalarik, 8 gerren leküan ürrentü dü. Emazteetan, Nathalie Olazagasti izan delarik irabazle oren bat eta bi minütetan. Hoinezkoetan, lehena Bruno Kawal izan da oren bat eta 7 minütekin eta emaztetan Jeanine Rouyeret oren bat eta hogeita zazpi minütetan. Giro ederrean iragan da lasterka 300 bat parte hartzaleekin. Maska ederrenaren saria, eskoziarrez beztitürik zen batek dü saria eraman.

Entzün Jaki Eiheregarai lasterkako antolazalea : 


Entzün Laurent Galiner "Foulées souletines" lasterkako irabazlea : 

Entzün Francis Gauze hoiñezkoetan bigerrena : 

Entzün Nathalie Olazagasti nesketan lehen erabazlea : 

Entzün Nicolas Duplaa 8. leküan ürrentü düan Xiberotarrak : 

Basabürütik Pettareala igaranen 29 gerren "Foulées Souletines" lasterka. Atharratzetik abiatüko da barantailaren 26an Maulen ürrentzeko. Abiatzeak, 9.00tan hoiñez kurritüko direnentako 13 kilometrekin eta 9:30tan lasterkarientzat 15 kilometrekin. Lasterkatzeko 16 urte beno haboro üken behar da eta bedeziaren baimena üken. Ihauteriak izatez, mozorrotürik agertzen ahal zide eta jakin ezazüe maska ederrenak sari bat ükenen düala. Bestalde, lehen hiru irabazleak saristatürik izanen dira eta lasterkaldi denboran bizkarrekoak zozketatürik izanen dira oparien eskentzeko. Lasterkarien baldintzen hobetzeko otobüsak antolatürik dira Mauletik Atharratzerat. Ürrentzean Jai-Alaian duxatzeko paradea dükee eta egüerditan lasterkariek Maulen jaten ahalko düe, Basabürüko ihauterietarat joan aitzin.

Entzün Jaki Eyherregaray lasterkaldiko antolazale bat : 

Essor Basque bizikleta lasterka ürrentü berri, bertan, parte hartü düan Frantziako taldeak astea iragan dü Irabarneko jauregian Xiberoko bideetan trebatzez. Honen kari, baliatü gira taldeko mekanizienta edo bizikleta konpontzailearekin mintzatzeko eta haren lana ikusteko. Bizikleta güziak kamioneta batetan bildürik dira, goizan prestatzen dütü, entrenamentü edo lasterka denboran pirripitalariak jarraikitzen dütü eta arrenküra balinbada, ahal bezain zale konpontzen dü. Azkenik, lasterka ürrentürik delarik, bizikletak berriz kontrolatzen, konpontzen eta xahatzen dütü kamionetan sartü aintzin. Hots, lehena lanean hasten eta azkena lana ürrentzen.

Entzün Marc Chevènement Frantziako bizikletako taldearen mekanizienta : 

Barantailaren 19an ürrentü da Maulen Essor Basque bizikletako lasterka. Üsatü bezala, arrakasta handia bildü dü Xiberoan, jente hanitx hüillantü dira bereziki Oxkaxeko lepoala eta Larrabileko pattareala. Lasterkaldi ederra eta tiran ikusi ahal izan da atzoko bi etapetan. Irabazleak zoin diren, Essor Basque-ko trofeoa irabazten düana Julien Loubet ofiziozko jokülari ohia. Mikael Queiroz xiberrotarrak 11 gerren leküan ürrentzen dü. Sailkapen orokorrean Warren Barguil da irabazlea. Orotarat, lasterka güzietan püntü haboroenik bildü düana Tzortakis lasterkaria da.  Lasterkarientako baldintzak gogorxka izan badira ere, halere aski kuntent agertü dira, ontsa prestatü ahal izan beitira.  Bestalde, Essor Basque-ko antolazaleak ere botzik dira eginik izan den batzarriaz eta antolaketaz. Ikus sailkapen orokorra

Entzün Christian Bibal Essor Basque lasterketako antolazalea : 


Enzün Julien Loubet Essor Basque trofeoako irabazlea : 

Ausaz

Kronika

Emankizüna

Artxiboan