Lapurdi eta Baxenafarroatik landa, Haur Kantu Txapelketako Xiberoko erdi-finala jokatü da apirilaren 10ean Maulen. Finalan parte hartüko düen ordezkariak haütatürik izan dira ttippiak eta gaztetxoak mailan. Gaztetxoetan bakarkan, lehen saria Maialen Etxebestek erabazi dü "Txorien balada" kantorearekin eta taldean Garindaineko neskatilek erabazi düe "Gero bi hitzez" ahaidearekin. Ttippietan bederazkan, Maider Jaury Arbailla eskolako ikasle gaztea "Oihanean" kantorearekin, biazkan, Phetti Galant eta Pette Ligueix Sohütako ikastolako ikasleak "Ene izar maitea" kantorearekin, taldekan, Sohütako Ikastolako ikasleak "Bedatsean" kantorearekin eta azkenik püblikoaren saria eraman düan Altzaiko eskolako taldeak "Etxeki azkarki" kantorearekin izan dira erabazleak. Haur Kantu Txapelketaren finalan parte hartüko düe arramaiatzaren 11an Hazparneko Mendeala gelan.

Entzün Ihitz Iriart epai mahainean zen epailea :

« Euskara : Ardatza eta Iparra » izenbürü honekin, mintzaldi bat eskentürik izanen zaikü apirilaren 8an, Bilxokoa alkartearen egoitzan Urdiñarben. Korrika kulturalaren kari, Bilxokoa alkarteak Koldo Zuazo ikerlaria eta Eüskal-Herriko Ünibersitateko erakaslea kümitatzen dü eüskalkietaz egin düan ikerketa lanaren presentatzera. Eüskalkiak aspaldian sortü badira ere, kanbiamenak bizitzen dütüela explikatüko deikü historian jauzka zonbait egitez ere bai.

Entzün Koldo Zuazo ikerlaria :

Biharko Xiberoko kantariak entzüngei Maule Baitha zinema gelan ! Bi urtetarik egiten den Haur Kantu Txapelketako Xiberoko kanporaketak apirilaren 10 ean eginen dira. Aurten, beste urtetan kantore haboro izanen dira, 34 orotara. Xibero orotarik jinik kantari gazteak dira, Bildoze, Ligi, Altzai, Mitikile, Aloze, Eskiula, Gotaine, Garindaine, Sohüta, Arbaila, Atarratzeko eskola eta kolegioa edo ikastoletarik. Txapelgoa bat izatez epai mahain bat hor izanen da. Parte harzalek intseüak egiten ahalko dütüe goizanko 11etarik aitzina eta pübliko zabalari bortak zabaltüko zaie arrestiriko 14.30tarik aitzina 15orenetan xüxen hasteko. Ürrentzeko ere, jateko eta edateko badateke leküan berean.

Entzün Oihana Larrandabürü Aitzindariak alkartekoa :

17 gerren Korrika Xiberoan iraganen da apirilaren 12an. Korrika handia aste bat aitzin, Korrika Ttipi ospatü da Mauleko karriketan. Xibero osotik jinik, lau ehün haur beno haboro bildü dira, izan ditian klase elebidünekoak ala Ikastolakoak. Goizanko hamarren altexean Kürütxe xurietik, lehen haur xiberotarrak abiatü dira lekükoa esküan. Eüskaldün haboroxenak saldoan balinbaziren ere, kümitüak ere bazütüen, Olorueko Kalandretako haurrek non ere Biarnesa ikasten düen, transmizionearen seinale den lekükoa esküz eskü iraganaztez. Haurrak Jai-Alaiera heltü dira hiriko karrikak zeiharkatü eta, arrestiritan aldiz, Xiba joküak, eskülan eta margolaritza lanak egin dütüe.

Entzün Korrika Tippian ziren ikasle, erakasle eta lagüntzaileak :