Previous Next

Ostiralean hasiko da, setemearen 18an, Ikerzaleak alkarteak prestatü erakusketa batekin: eskola Xiberoan XIX eta XX menteen artean.

Neskenegün goizan badateke "1518 l'épidémie" antzerkia, arrestiriko 4 orenetan mediatekan Nina Beddar-en erakusketa, 5ak30tan Mauleko bisita Joel Larroque-rekilan leheneko eskolaren geiaren üngürüan eta gaüaldia Maule Gaineko gaztelüan dateke, ptintsesa eta prontzez maskatürik, müsika eta Arsene Folazur-en ikusgarriarekin.

Ondoko hilabeteetako kültürra programa ahintürik izan da mementoko diren segürtantza mesüra eta büdjet apaltzearekin.

Mauleko Herriko etxeko kültüra ardüradüna den Clément Potier-ekin programaren xehetarzünak:

Ostiraleko erakusketa aipatzen deikü Ikerzaleak alkarteko Robert Elizondok: 

Mathilde Baqué Mauleko mediatekan lanean ari da.

Eüskarazko funtsaren joanarazteaz gain, erakusketak antolatzen dütü eta jenteer batzarri egiten.

Eüskarazko libürüak aski güti elkitzen dira.

Alde batetik adinekoek eüskaraz idazten eta irakurten ez beitüe ikasi. Eta bestetik eüskalki desbardinen traba senditzen beita ere bai.

Libüru güti badira Xiberotarrez idatzirik direnak.

Behar ere, haurrek Eüskara batuaz irakurteko kostüma hartü düe.

Animazioneak üda huntan arra hasi dütie. Nina Beddar margolaiaren obrak ikusgai dira seteme arte.

Dagün ürrietan, Jean de Jaurgain historialariaren omenaldiz, ekitaldi zonbait antolatüko dütüe.

Mathilde Baqué:

Dantza eskolentako ere sartzea dügü!

Hortako erakasle edo errejentek beren dantza kurtsoen ahal bezain ontsa emaiteko egünaldi bat antolatürik züen IDB Iparraldeko Dantzarien Biltzarrak.

Harat eramaiten zütüegü:

Previous Next

100 bat pertsona hüllantü dira Irabarneko jaurregian igaran neskenegünin. HEBENTIK alkarteak, Hebenko ta Hanko izeneko gaüaldia antolatzen züan !

Gaüko 6 orenetan, HOR HOR Xiberotar hirukoteak lehen kontzertüa eskaini dü zühainen artean. Frantses edo eüskal olerkietarik abiatzez, kantoreak hontzen dütüe kontrabasa eta teklatia joitez.

Bi emanaldien artean, günean bertan jaten eta edaten ahal zen. Eüskal Falafel, kamiuz kurritzen diren Jo eta Sarah Astüetarrek beren sükaltaritza proposatzen züen.

Ondotik Duo du Bas Bretaniar bikoteak beren antzerki-kantore ikuskizünarekin jarraiki düe. LES GEANTES deitürik, Elsa Corre eta Hélène Jacquelot, 7 adinekoengana ebili dira ikusgarriaren prestatzeko. Beren ertzotarzün eta poesian oinarritürik kantoreak hontü dütüe, eta antzerki baten maneran presentatü.

Gaüaldia tenpesta jin beno lehen ürrentü da giro honean. Koronabirusaren presentzia orano senditzen bada ere, kanpoan eginik diren animazioneek istant batez eritarzüna ahaztarazi düe.

Erreportajea :