XÜXENEAN ENTZÜN

Kultura

18. KORRIKA martxoaren 16an arrestiriko 14.15tan sartüko da Xiberoan. Aitzindariak dantza federakuntzako eta Pitzgarri alkartetako zanko sagar arinek düe lekükoa eramanen, Oxkaxeko lehen kilometroan. Hortik harat, lekükoa 31 kilometroz, 41 alkarte, 8 Herriko-Etxe, Xiberoa Herri Alkargoa eta 4 enpresetako kideen esküz eskü igaranen da. Kilometro beno harzale hanitx haboro izan dira aurten ere eta süstengüa beno eüskararen biziarazteko nahiküntea erakusteko gogoa ez da tipitzen. Arrestiriko 18.30tan Amikuztarrek segida hartüko düe bena ondotik algarrekin besta egiten ahalko da Arüeko ezker paretan. Txalapartalariak, bertsulariak, Burgaintziko txarranga eta beste sürprisak izanen dira eta prefosta jateko eta edateko. Ikus Xiberoan finkatürik diren kilometroak

Entzün Beñat Espil Xiberoko Gaü Eskolako erakaslea eta Korrikako kudeazalea : 


Entzün Beñat Espil Korrikako kilometroen presentatzen : 

"Emazteak eta libürüak" da aurtenko Libürüaren Egüneko geia. Martxoaren 16an goizanko 10tarik aitzina iraganen da Mauleko Jai-Alaian. Iragan urteko arrakasta ikusirik, aurten 71 erakus mahain badate idazle eta argitaletxen artean. Gela handia izatez, güne ezberdinak sortürik dirate : erakusketa eta idazleen günea, eztabadaren xokoa, gei pausa güne bat ere. Gabi Etxebarne date aurtenko egüzama eta beste honenbeste idazleekin agertüko da. Prefosta, eüskarak ere bere leküa badü Libürü Feida hortan. Egün orotan, eztabada irakurketa aurkezpen eta beste izanen da. Xehetarzün güziak Mauleko Herriko-Etxeko web günean edirenen dütützüe. Azkenik, egünaren ürrentzeko antzerki bat izanen da Maule- Baithan gaüko 21.00tan "Chonique d’une maire ordinaire". 

Entzün Béatrice Lahargoue, Mauleko Herriko-Etxeko kültür batzordeko zinegotsia : 


Soinüaren telekargatzeko (esküineko klika)

Martxoaren 9an gaüko 21.00tan, Mauleko kaserna ohian Tokia alkarteak kabaret gaüaldia proposatzen dü. Idei berezi bat, Xiberoan güti baizik ikusten dena. Artisten aldetik, OZKE, ROXE RIPLAY eta Xiberotar hirunaka bat Claudine Arhantcet - Elsa Oliarj eta Maika Etchecopar. Antzerkilari bat horier gehitüko da: Benat Lebfevre. Ritma emaiteko artisten artean Pette Etxebarriak bideo muntaje bat iraganaziko dü. Prefosta, kabaret güzian bezala jateko eta edateko mahainetik manhatzen ahalko da.

Entzün Jon Foucher Tokia alkartekoa : 


Soinüaren telekargatzeko (esküineko klika)

"Basabürüko Ihauteak" orano ere kausitürik ! Aurten, talde berri batek dü lekükoa arrahartü, orai artinoko ber bidea jarraikiz. Aspaldiko partez, gazteak saldoan hüilantü dira eskükaldüen emaiteko. Bestalde, egünaldi ederra izatez, jentek baikorki ihardetsi düe "Basabürüko Ihautier". Maskatü gabeak hor baziren kukuskatzeko, jente hanitx ere hor ziren maskatürik, erlez, kirolariaz, sükaltariaz, joaldünez eta prefosta apezküpüaz. Karriken alegeratzeko hor ziren trikitilariak, gaiteroak, bandak eta bazterren harroarazteko "Batukadak". "Basabürüko Ihauteak" Zanpantzarren erretzearekin ürrentü dira plazan sü eta kez, eta gaüa ürrentü da giro hoberenan Atharratzeko ostatüetan.

Entzün Xantiana Etxebest "Basabürüko Ihauteak" talde berriko aitzindaria : 


Soinüaren telekargatzeko (esküineko klika)

“Jan Dabrowski” libürüa berriki plazaratü dü Txomin Peillen Xiberotar eüskalzainak. Polonia herrialdeko historia eta polonesen migrazioa kontatzen dü eleberri honek. 14ko gerlak hilik ützi zütüan miliuka motiko gazteen ordezkatzera jin ziren polonesak, gehien bat Frantzia iparreko mehategietara. Beren eskolak sortü zütüen eta beren üsantxak sorterritik hürrün bermatü. Alemanen menpe izatea ondotik Errüsia sobietarraren eskü, azkenean Herri gisa ezin lortüz. Komünismoak zertan ez düan kausitü eta ere Elizaren indarra zertan bermatü den Polonian, hona zoin diren “Jan Dabrowski” libürüaren mamiak.

Entzün Txomin Peillen eüskalzaina “Jan Dabrowski” libürüaren idazlea : 


Soinüaren telekargatzeko (esküineko klika)

Ausaz

Kronika

Emankizüna

Artxiboan