Kultura

: Kultura; 2013 Maiatza 14; Agerraldiak: 2945

Müsikaren Egüna 2013 Urdiñarben

Müsikaren Egüna ospatüko da Urdiñarben maiatzaren 17, 18 eta 19an. Aurten 24. gerren edizionea da, egitarau aberasgarri bat plantan ezarrik izan da. Hiru egünez, antzerki, soinü, kontzertü, dantza, mintzaldi-eztabada eta erakusketa badate. Maiatzaren 17an, ostiralearekin hasiko da Müsikaren Egüna "Pied de biche" antzerki batekin. Biharamenean, Xiberoko dantzaz egünaldi berezi bat 2 mintzaldiekin. Lehena, " Leheneko maskaradetarik oraikoetara" Jon eta Claude Iruretagoyenarekin, bigerrena "Dantza egün... eta bihar ?" xiberoko dantzaren geroari bürüz gogozkatzeko. Igantearekin aldiz, kontzertüak: Petti, 1 bruitkikour, Piurek, les Ramoneurs de menhirs, bestea beste... Ikus Müsikaren Egüneko programa bere osotarzünean.

Entzün Jean-Jacques Etxeberri Llargo Bil Xokoko kidea :

Soinüaren telekargatzeko (esküineko klika)

: Kultura; 2013 Maiatza 07; Agerraldiak: 2863

Gamere-Zihigako maskaradak boztarioan ürrentürik

Gamere Zihigako gazteek azken maskaradak eman dütüe iragan maiatzaren 5an Zihigan. Maskaradak ürrentürik, jokülariak botzik dira herriz herri kurritürik eta plazerra hartürik. Prefosta, bihotz ximiko batekin ürrentü dütüe maskarada horik orhitzapen honez beterik.

Entzün Bettan Aguer Bagaia enseñaria :

Entzün maskaradan zen bizar gorria :

Entzün Mathieu Tauzin Kabana handia :

Entzün maskaradako Pitxu famatüa :

: Kultura; 2013 Maiatza 04; Agerraldiak: 2664

Algarrekin galerian erakuska bat

Mendikotako Algarrekin galerian, beste hiru artister bortak zabaltüko dira maiatz ta arramaiatz hontan. Aldi hontan, Cardesin, Franzen eta Aboren obrak sogien ahalko dira. Erakuskaren estrenatzea maiatzaren 4an iraganen da arratseko 19.00tan Mendikotako galerian. Algarrekin galeria ostiraletik iganteala zabalik da arrestiez 14.30tarik-18.30tarat.

Entzün Pascale de Gilbert Algarrekin galeriako ardüradüna :

: Kultura; 2013 Maiatza 06; Agerraldiak: 2858

"Aitzina Mintza" ikusgarrria arrakastatsü

Argazkiak : Jean-Louis Belhartz Arrakasta handia bildü dü "Aitzina Mintza" ikusgarrriak Ezpeizen. Lekü eskazaren gatik jentea gibel igorrik izan da hitzeman ondoan, beste behin emanen zela. Düala urte zonbait egin zen bezala, lau herri jüntatü dira ikusgarriaren muntatzeko, Ainharbe, Ezpeize, Ürrüstoi-Larrabile eta Xarrikota Peko 50 bat herritar. Antzerkia, kantorea eta dantzaren bidez, plazaratü den mezüa ezinago argi izan da, Allande Davant-en hitzetan “Eman eüskara algarri, etxe, eskola eta plazetan ahalkeak ützirik". Eüskara desagertü den kartiel hortan, helbürüa zen zenzibilizazione lan baten eramaitera. Ikusgarri denboran, eüskara baliatu balinbada frantsesa ere entzün da dener mezüa hedatzeko gisan. "Aitzina mintza" ikusgarria berriz emanen da, hatik mementoko ez da egüna finkatürik.

Entzün ikusgarritik landa izan diren lekükotarzün andana bat :

Soinüaren telekargatzeko (esküineko klika)

: Kultura; 2013 Maiatza 03; Agerraldiak: 3249

Eüskararen aküilatzeko kanpaina bat Herri Alkargoan

Eüskararen beresküratzeko kanpaina bat abiatzen dü Xiberoa Herri Alkargoak. Maiatzetik harat, soinü dei elibat entzünen dira Herri Alkargoak builtararzirik. Helbürüa da zenzibilizazione lan bat eramaitea, eüskara mintzajeari bürüz eta eüskara dakiener bürüz. Eüskararen süstatzeko kanpaina hau, irratien bidez eginen da Xiberoko Botzan eta Mendililia irratietan. Eüskararen süstatzeko, beste xedeak ere badira plantatürik, sos lagüntza eüskaraz afitxen egiteko, formakuntza bat Herri Alkargoako langileek eüskara ikas dezen, Pack II delako bat etxeko berrientako. Azkenik, Herri Alkargoako Eüskara ta Kültür Batzordeak, Xiberoko dantzaz gogoeta egün bat builtaraziko dü Maiatzaren 18an Urdiñarben müsika egünaren kari.