- Laborantxa / Üngüramena
- Agerraldiak: 2022
Ardi sailaren assisak, irailaren 16an Barkoxen eginen dira.
Ardi sailaren 10. Assisak Barkoxen eginen dira, ürrietaren 16an ostegünarekin. Aurten aipagei nausia artegiak dirateke. Egürrezko ala burdinezko zürtajea, adibide ezbardinen ikusteko bi etxalteen bijitak eginen dira. Abiatzea autobusez 9:30etan eginen da plazatik. Goizeko 10:00etarik arrestiriko 17:00etara eraikuntzeko berezilariekin mintza daiteke, arditegien eraikitzeaz eta barneko antolaketaz, kabalen ongi izaitea nola bermatzen ahal den jorratüko da bereziki. Bestalde, haragitako marro edo ahari gazte zonbait ere ikus edo eros dirateke. Aipamen berezia egin da ardi esnedün eta haragitako ahari kürütxatzeaz. Egüerditan merkatü estalian, André Chilo sükaldari famatüak prestatürik bazkaria ere gozatzen ahalko da. Zure leküaren etxekitzeko deit lehen bai lehen Claudine Migen, Departamentüko Laborantza ganbaran, 05 59 80 70 27 telefono zenbakian.
Maider Laphitz Departamentüko Laborantza ganbarako animatzailea :
Biriatutik Santa Grazira, Eskualdeko Parke Natural baten sortzeko ürratsetan da Xiberoko Botingoa, Euskal Mendia eremüko beste partaideekin. Bortüaren kudeatzeko errestarzüna eta ororen gainetik sos lagüntza haboro ekarri behar lüke, Frantses Estadoa eta Akitania eskualdearekin izenpetüko den konbenioak. Horren berri emanik izan zen, iragan neskenegünean Iratin egin zen Botingoaren biltzarrean. Haatik, biltzarrean azpimarratürik izan zen, Eskualdeko Parke Natural-ak ez düala deus ikustekorik Parke Nazionalarekin, hots ez dütü azken honek dütüan trabak ekartzen. Bestalde, ihizteka solas izan zen ere eta jakinarazirik izan zen entxerak egin direla dagün urtean.
Ürzo sasoina hüilantzen da eta laster aidekagietan, kabanetan ala saretegietan ihiztariak lüma grisdünaren aidürü dirateke. Aurten Urdiñarben, Naphaleko saretegietan baizik ez da ürzoa atzamanen, Gatagorenaren zerratzea erabakirik izan beita, ez delakoz ürzorik hortik orai iragaiten, haboroziz ihizlarik. Audela, arrenküra gaitza bada Garraibiko bidean. Iragan üztailako ebiteen ondotik, bidea eramanik izan zen partez. Bide hortan kurritzeko lanjerüs delakoz, herriak erabaki dü bidearen zerratzea. Hor bizi direner eta Naphaleko ihizlarier baizik ez da zabalik izanen.
Ossau Irati sormarka sindikataren sektoreetako biltzarrak egin ziren iragan astean. Berri hon bat zabaltü zen lehen lehenik. 2012an sormakako gaznen salmenta ehüneko bostez emendatü zen. Ildo berean jarraikitzeko promozione kanpaña berri bat eginen dü sindikatak, Frantsez telebixta kate zonbaitetan baita interneten, ürrietaren 8tik 18ala eta azaroaren 19tik 29ala. Orotara, 712000 euro ezarriko dütü. Ossau Irati sormarka sindikataren
Artzain gazteen departamentüko konkurtsoa, ürrietaren 2an ostegünarekin iraganen da Xiberoan, Berrogaine-Larüntzeko laborantza lizeoan, goizeko 9:00etarik arrestiriko 15:00etara.