XÜXENEAN ENTZÜN

Laborantxa - Üngüramena

Ürrieta hatsarreaz geroztik, Gatagorena, Oxkaxe ala Naphalen, Xiberoko ürzo sarekagietako sareak altxatzen dira goiz oroz. Naphalen adibidez, 22 ihiztekari aldizkatzen dira, sarekagiako 16 postüetan. Lehen bezain bat ürso ez bada igaraiten ere, agertzen dena lehenekoa baino azkarragoa da, segürere pettarean jateko franko beitü. Iragan urtean 1280 ürzo atzaman zütüen Naphalen. Aurten honenbesten biltzea esperantxa düe, haatik mementoko 63-tan dira. Sarekagietako emaitzak emanen dügü arrats oroz Xiberoko Botzean eta Euskal Irratietan 18.45etan.
Patrick Loustau sarekagiako ardüradüna :


Arño Arrayet ihiztekaria :

Ürzo lüma gris gaixoa kantorea :

Kalitatearen haütüa dela elkibidea beste behin berretsirik izan da berriki egin den Axuria kooperatifaren biltzar nausian. Xiberoko kooperatifaren salmentak ehüneko 4ez emendatü dira iragan urtean. 48000 axuri saldü dütüe, bataz besteko 3 euro ta 87 zentimako prezioan. Axüria merkatüa hein berean etxekirik izan bada, behikiarena ehüneko 13ez goratü da. 
Peio Quihillalt Axuria-ko lehendakaria :

Ossau Irati sormarkaren sindikatako familia ezbardinak biltzen dira egün horietan, urteko bilana eta esnekagietako ordezkarien izentatzeko. Esne ekoizleek, bilküren paradaz baliatzen dira, sormakaren egoeraz eta geroaz gogoetatzeko eta eztabadakatzeko. Sektoreko bilkürak segitzen dira, egün ürrietaren 9a Atarratzen, Biarno eta Xiberoko ekoizleentako 20.30etan Etxahun gelan eta bihar ürrietaren 10a Larzabalen, Iholdi eta Amikuzeko sektorearentako. Biltzar nausia ürrietaren 24ean Bankan iraganen da.
Frantxoa Irigoyen Ossau Iraty sindikataren lehendakaria :


Xehetarzün haboro, haboro irakurri klixkatzez.

Urteko besta eginen dü ELB laborari sindikatak igante hontan Urdiñarben. Besta hori beharrezkoa bada sindikataren finantziazioaren bermatzeko, beharrezkoa da ere egün oroztako arrenküren baztertzeko eta gazteen parte hararazteko. Iganteko besta egüerditan hasiko da laborari pilotakarien arteko desafioarekin.Ondotik züntzür bustitzea eta bazkaria gozatzen ahalko da eta bertsolariek, Tipul eta Putil bikoteak, txanbelariek, Mixel Etxecopar eta Mathieu Mendizabal-ek animazioa segürtatüko düe. Gaüan aiharia ere izanen da, presan ez direnentzat.
Dorothée Nabarra ELBko kidea :

Xiberoako Sagarretaz libürüa plazaratü berri dü Astobelarra argitaletxeak Lan hau ustegabe baten emaitza da. Üngürümen teknikalari da Alain Borda eta Ipar Eüskal Herri hau ontsa ezagützen dü, Arbonako sorlekütik, orai Sohütan den bere bizileküala artino. Sagar mota zaharren bila ari da 30 urte hauetan eta mota berezienak ediren dütü Xiberoan. Mota horiek dütüenen ikustera joan denean, Allande Etxart-ek jarraiki dü et 14 jende horien egin moldeak idatzian ezarri dütü, bereziki nola gustatzen zaien sagartzen enpeltatzea eta sagarren esküan hartzea, senditzea eta ahoan gozatzea.
Alain Borda libürüaren egilea :