Agro-oihangintzaz lan sail berri bat zabaltü dü Euskal Herriko laborantza ganbarak. Iragan üdan hasi zen gogoetak, bi galtoen üngürüan egitüratürik da, zühainak tradizioz nola erabili ? eta praktika horiek nola berritü oraiko laborantzako moldeari egokitzeko ? Lehiaketa baten bidez, zühaintzak zaintzen eta baliatzen dütüen laborariak kümitatzen dütü beren lanaren agertaraztera. Hiru sail proposatürik dira, kabalen bazkatzeko haritza eta gaztainatzea baliatzen düenena, egür edo zur egiteko, oihan, larre edo hesiak baliatzen düenena eta früitatzeak dütüenena. Sail bakotxean hiru etxalte eredügarrienak haütatüko eta sarrixtatüko dira. Izen emaite doziera eta lehiaketaren araudiak EHLG-ko internet günean edirenen dütüzüe eta beterik ützüli behar dira maiatzaren 8a aitzin. Lehen ürrats horren ondotik, epe lüzeagoko lan bat abiatüko dü EHLGak.
Joana Hoqui animatzailea :

« Aurrezki herrikoiaren bidez, ama-lürra denen hontarzüna bilaka dezagün » lemarekin, Lürzaindiak, sos biltze kanpaina zabala abiatzen dü. Komünikazione kanpaina azkar baten bidez, bere akziodünak mobilizatü nahi dütü bena orohar jentarte zabala ere hunki nahi dü, alkartarzünezko kide berriak Lürzaindiara hüilan daitezen. Izan partikülarra, alkarte edo enpresa, hogei euroko akzioak hartzen ahal dira, nahi den nonbrean, hüilaneko laborantza ttipiaren alte eta leküko ekonomian konkretuki eragiteko. Kanpaina berrian parte hartzeko eta akziodün bilakatzeko informazio güziak edirenen dütüzüe, www.lurzaindia.eu internet günean. Oraidanik, bi hitzordü lüzatzen deizkü, maiatzaren 15ean Ainiza Mojolosen alkartearen biltzar nausiarentako eta irailaren 13an Xiberoan eginen den Lürraren pestaren ospatzeko.

Xiberoko Botingoak, ihiztekako kabana eta lepoen antxerak egiten zütüen iragan neskenegünean Ligin, eta düala hiru urteko antxereri konparatüz, alokaidatze güttiago izan da. Alokaidatzeko ziren 81 kabanetarik 27 baizik ez dira hartürik izan, 6450 euroko eta 30 lepoetarik hameka 82700 euroko. Gelditzen diren kabana ala lepoak oraino alokaidatzen ahalko dira Botingoarekin harremanetan sartzez baina oraidanik jankinarazirik izan da prezioa ez dela negoziatzen ahalko. Antxeren abiatzean finkatürik zen prezioan hartü beharko dira.
Jean Pierre Miranda presidenta :

Hebenko kalitatezko ekoizpenen promozionatzeko eta ekoizpen egileen lagüntzeko, lan sail hanitx aitzinarazi züan iragan urtean Euskal Herriko Etxe Ekoizpen egileen elkarteak. Promozionea, Idoki merkatüak, janari mahainak, ala formakuntzak besteak beste, aktibitateen bildüma egin züan alkarteak, Bastidan egin zen biltzar nausian. Oso baikorrak agertü ziren alkarteko ardüradünak eta bereziki animatzaileek egin züen lana goraipatü züen. Büiltarazirik izan ziren iniziatiba gehienek emankor izan zirela eta internet güne berritüaren emaitzak ere honak zirela gehitü züen. Ildo berean jarraikitzeko nahikuntea erakutsi züen, aurten Idoki merkatüak berriz egin direla baieztatü züen, Baionako Herriko Etxearekin partaidetza izenpetürik izan dela ere jakinarazirik izan zen, Baionako Bestak aitzin eta denbora laborantza eta hebenko ekoizpenen ezagütarazteko lan berezia eramanen da Baionako haur eta gazteekin.
Ttele Leizagoien presidenta :