- Laborantxa / Üngüramena
- Agerraldiak: 2135
Laborantza biologikoa geroako eredua.
Laborantza Biologikoa geroago eta gazte haboro erakartzen dütü eta molde hortan instalatzen direnen nonbrea emendatzez doa, hona besteak beste zer azpimarratürik izan zen asteartean Izuran egin zen Biharko Lurraren Elkartearen biltzar nausian. Bestalde, agintari güziak laborantza biologioaren garatzeko ados agertzen badira, ele ederretarik harat ekintzak ez dira segitzen eta BLEko ardüradünak damütü dira lagüntzak üsü baldintzatüak beitira, ttipitzen ez direlarik. Hala izanik ere alkartearen egoera ekonomikoa sanoa da bena oraino hauskorra. Hortarako gogoz kontre izan bada ere, zerbütxü zonbait pagaraziko dütüe hementik aitzina.
Maritxu Castillon presidenta :
Mendikoa eta SICA NAM laborarien kooperatifen bateratzea ofizializatü da astearte goizan Urdiñarben egin den biltzar nausian, eta ondorioz SICA NAM, kostaldean kokatüa zen kooperatifa, urtu da Mendikoan. Erran behar da SICA NAM-en egoera larritzen ari zela, bereziki Baionan züan saltegiala geroz eta jente apürago ibiltzen beitzen. Laster beraz Baionako saltegia zerratüko da eta Uztarritzekoa aldiz haunditzeko xedea dü Mendikoa kooperatifa. Sohütako saltegiaren haunditzeko lanak ere hasiak dira jadanik eta apirilan ateak zabaltü behar lütüzke.
Barkoxeko Nissibart etxalteko lürren üngürüko aferan, Robin Martinet gaztearen instalazioaren alteko deliberoa hartü dü Safer egitürak. Prozedürak bi urte iraun dü. Epe hortan frogatü behar izan dü bere instalazio xedea bideragarria dela eta sürtüt etxalteari lotürik diren lür güziak behar dütüala xedearen garatzeko. Bidea oraino lüze dateke, lehenik lürren erosteko 15000 euro falta beita. GFA Nissibart-en alteko gaüaldiak antolatüko dira aurten ere. Bigarrenik lan franko badateke oraino lan tresnaren pikuan ezarteko eta Robin Martinet-ek esperantza dü, 2016an egiazki laborantzari lotzen ahalko dela.
2015eko laborantzako sasoineko lan eskeintzen aurkitegia plazaratü berri dü ADEFA alkarteak. Berogei orrialdeko libürütto hontan, lan eskeintzak, ekoizpen arloka sailkatürik dira, zer sasoinean agertzen den langilegoaren beharra eta nor diren enplegatzaileak. ADEFAk bestalde, langile potenzialen formakuntza beharreri ihardesteko, xehetarzünak ekartzen dütü eta sos lagüntzen aurkitzeko ere bere lagüngoa ekartzen dü. Aurkitegian ez badira oraino lan eskeintza güziak agertzen ere, gehienak agertzen dira eta Pauen den ADEFA alkartearekin harremanetan sartzez edirenen düzüe aurkitegia dohainik.
Ipar Euskal Herrian, Sagarondoaren üngürüan lan haundia eramaiten dü azken 25 urteetan Sagartzea alkarteak, mota zaharrak beresküalatzez eta formakuntzak eskeintzez. Azken 15 urteetan 700 bat sagarondo lantatürik izan dira eta üdürriala geroz eta jente haboro interesatürik agertzen da ekoizpena hortaz. 2014an 387 tona sagar iragan dira Eztigar kooperatifatik. Erdiarekin sagar jusa, eta sagardoa egin da eta beste erdia Hego Euskal Herrian eta Korzikan saldürik izan da. Garapen perspektiba ederrak agertzen dira eta sormarka baten sortzeko gogoeta ere zabaltzen ari da. Sagarondoen lantatzeko sasoina beita Sagartzea alkarteak sagarondoak saltzen dütüala oritarazten deizüegü eta formakuntza egünaldi bat ere proposatzen dü otsailaren 14ean. Goizan Donaixtin eta arrestitan Itsasun. Bi proposamen horietaz xehetarzünen ükaiteko edo izenen emaiteko deit 06 10 12 81 76.