XÜXENEAN ENTZÜN

Laborantxa - Üngüramena

Bada orai urte zonbait, San Martiko Harrian lagüntzaleak biltzen direla bortüaren xahatzeko, Surfrideren gisaz. Arramaiatzaren 29an date xahatze handi hori, jente orotarik badate eta horien artean familia hanitx. Erran behar da, elürra hurtü ondoan ondarkin hanitx atzamaiten direla, zigareta eta beste. Halere ikusten da, jokabideak eta bizi moldeak kanbiatzen ari direla lerragüne baliazaleen aldetik. Espero dügü hebentik urte zonbaiten bürüan ez datekeala haboro lagüntzale beharrik hori oroen xahatzeko.

Entzün René Erreçaret San Martiko Harria lerragüneko komünikazio ardüradüna : 


Soinüaren telekargatzeko (esküineko klika)

Negü eta bedatse ebitsüaren ondorioaz, laborantsako lanak arto ereiteak eta belhar epaiteak berant handia hartü düe. Düdarik gabe, ondorioak badira maila ezberdinetan bena jadanik, ardi eznadünetan mina eginik da hein batean, eznezionea apalago beita eta etxalte zonbaitetan kabaleen bazkatzeko, bazken haboroen erostea behartürik izan beitira. Ondorioak zehazki ikusteko zoin diren, larrazkena egürüki beharko da bena oraidanik, pentsa daiteke jadanik kinka txarrean ziren etxalteen egoera ez dela hobetüko eta orohar, elkibideak atzaman beharko direla.

Entzün Iker Elosegi Eüskal Herriko Laborantsa Ganbarako teknikalaria : 


Soinüaren telekargatzeko (esküineko klika)

Urdiñarben eta Muskildin üholdeak izan dira arramaiatz 7 hontan. Lazgarriko ebi erori da denboro gütiz eta prefosta erreka bertan gaintitü da. Holako ebi ta hurzionea aspaldixkan ez zen ikusi. Prefosta, tenpestak herexak ützi dütü, etxe zonbaitetan hura sartü beita. Hurzioneak lürra eraman dü eta berriki erein zen arto alhorretan. Belhar balak ere ikusten ahal izan dira non nahi hurak eramanik. Ondorioz, Urdiñarbeko Herriko-Etxeak prefektüran galtatzen dü itses horik oro "Catastrophes naturelles"edo "itses natural" bezala ekarrik izan ditian.

Entzün Dominika Aguergaray Olhaso itsesak kuntatzen : 


Soinüaren telekargatzeko (esküineko klika)
Entzün Arno Berrogain Urdiñarbeko aüzapeza, Patrick Lousteau, J.Jacques Etxeberri llargo :   

Soinüaren telekargatzeko (esküineko klika)

Xiberoa Herri alkargoak, laborantsako eragile haboroxenak berriki bildü dütü. Xedea da, bazken idorarazteko idorgailü baten eraikitzea eta ikustea egiazki nahikünterik badenez. Erantzüna eman aitzin, lüzernaren ekoizteko baldintzak, idorarazteko moldeak eta idorgailü sistema ezbardinak aipatürik izan dira. Laborariek, CUMAren ordezkarien bidez baieztatü düe galtoari bena haidürü egonez, uste beitzaie haütetsiek egin behar düela lehen ürratsa. Beste eragileak gogoeta hortan jarraikitzeko eta lagüntzeko prest agertü dira eta denak engajatü dira zentzü hortan.

Entzün Bertand d'Hults Herri Alkargoako energia berriztagarrientako teknikalaria : 


Soinüaren telekargatzeko (esküineko klika)
Entün Jean-Bernard Pinque Xiberoko CUMAren parteliant bat : 


Soinüaren telekargatzeko (esküineko klika)

Bedatsea izatez, bortüka sasua hüilantzen ari da laborari ta artzainentako. Kabale haboroxenak berehala Xiberoko bortüetarat joanen dira üdako bazkentako. Bortüka Xiberoan zertan da egün ? Orotarat 40 bat olhalte bada, horietan 100 bat etxalte biltzen dira ardiekin. 40 olhalte horietan 13 jeisten düe bortüan, 7 bekanikarekin eta 4 esküz. Bortükak abantaila ekonomikoak ekarten badütü, arrenkürak sorarazten dütü lan kudeatzearen aldetik. Geroago eta jente güttiago badira etxalteetan, laborarier gaitz zaiela bortüka egitea eta etxalteko lanen joanaraztea. Bortüka kanbiatzen ari da, laborari zonbaitek lanaren aisatzeko kabaleak etxen üzten dütüe, beste zonbaitek harahonakak egiten dütüe. Azken urteko berritarzüna da, olhaltetan artzain hartzea, sos lagüntza bati esker. Urtekin ikusten da, üsantxak kanbiatzen ari direla, ageriko geroari bürüz bortüka zer bilkatüko den ?

Entzün Jean-Marie Queheille Altzürükütar laboraria Xiberoko Botingoan dena : 


Soinüaren telekargatzeko (esküineko klika)