- Laborantxa / Üngüramena
- Agerraldiak: 2026
Idauze-Mendiko CAOSO kooperatifa bide honaren bila.
2012-2013a urte zaila izan da Idauze-Mendiko CAOSO kooperatifarentzat. Biltzar nausian presentatürik izan ziren kontüak 10000 euroko defizita erakutsi züen eta kidezionearen aldetik, zortzi hazle berri sartü baldin badira kooperatifan, 13 joan dira. Ondorioz bost mila axuri gütiago ekarririk izan dira. Hala izanik ere, kooperatifak ez da xede eskasean bere egoeraren hobetzeko. Saltzen dütüan axurien ehüneko 95a Españan saltzen dütü CAOSO-ak eta merkatü bakar baten menpe ez egoiteko, Donibane Garaziko kabale ehotegian axuri haragia pikatzen dü orai, beste merkatüen hunkitzeko eta orai ISPAC enpresa ohian haragi pikatzeko beste atelier baten sortzeko aztertzen ari da Axuria Kooperatifarekin.
Jean Michel Armagnague CAOSOren lehendakaria :
Axurien eritarzünetak zoin diren eta nola menperatzen edo zaintzen ahal diren ? aipagei horren jorratzeko laborariak kümitatzen dütü Departamentüko Marexalen talde teknikoak. Goizeko 9.30etarik arrestiriko 16ak artino, axurien eritarzün ezbardinak aipatüko dütüe, nola xendatzen ahal diren bena bereziki eritarzüna agertü aitzin zer egiten ahal den horren saihesteko edo pürü ondorioen tipitzeko barnatüko da. Marexaleek esperantxa düe laborari franko hüilantüko direla, haientzat beharrezkoa beita ere beren esperientzaren ükaitea. Egüerdiko bazkaria eskainirik date. Izenak eman behar dira lehen bai lehen deitzez, bakotxaren marexalaren bülegoala.
Laborantza Politika Bateratüak izanen dütüan ondorioak ardi hazkuntzan, asteartean Aiziritzen iragan ziren Ardi sailaren Asisen solasen erdian izan dira. Laborantzako sail ezbardinen artean nola partekatüko diren Europako lagüntzak negoziatzen bada ere oraino Frantziako laborantza ministeritazan, norabide nausiak ikusiz, baikor agertü dira Departamentüko Laborantza Ganbarako ordezkariak. 
Kalitatezko eznea eginez eta hebenko nortarzüna etxekitzez segürtatüko da Ossau-Irati sormakaren geroa, hona llabür bildürik zer ohart etxekitzen ahal den ostegünean Bankan, egin den sindikataren biltzar nausiaz. Kalitatezko ekoizpen baten egiteko sormakaren arrautegia jarraiki eta hobetüko dela oraino ondoko urtetan baieztatürik izan da, gazna honen fama eta ezagütpenaren haunditzeko.
Ürrieta hatsarreaz geroztik, Gatagorena, Oxkaxe ala Naphalen, Xiberoko ürzo sarekagietako sareak altxatzen dira goiz oroz. Naphalen adibidez, 22 ihiztekari aldizkatzen dira, sarekagiako 16 postüetan. Lehen bezain bat ürso ez bada igaraiten ere, agertzen dena lehenekoa baino azkarragoa da, segürere pettarean jateko franko beitü. Iragan urtean 1280 ürzo atzaman zütüen Naphalen. Aurten honenbesten biltzea esperantxa düe, haatik mementoko 63-tan dira. Sarekagietako emaitzak emanen dügü arrats oroz Xiberoko Botzean eta Euskal Irratietan 18.45etan.