Lionel Beffre prefeta, Olorueko suprefeta, Xiberoko aüzapezak, haütetsiak, Xiberoko Botingoa eta turismako arduradünak bildü dira igaran azaroaren 17an Iratiko egoitza berrian. Düala hilabete zonbait Xiberoa Herri Alkargoak antolatü züan jünta baten segida bat da. Azken aldian, Xiberoko ekonomia eta laborantsa aipatürik izan bazen, aldi hontan turismoa da haboroenik aipatürik izan dena. Haütetsiek ikusten dütüen zailtarzünak aipatü dütüe, legediak arintzeko xedearekin. Bilküra honen helbürüa da, prefetak neurt dezan eskualdeko tenperatüra eta estadoaren posizionea presenta dezan xüxenean.

Entzün Lionel Beffre departamentüko prefet berria : 

Frantziako hezkunde eta lehiakortarzünaren azkartzeko 35 neurritako "Hitzarmen" bat proposatü dü Frantses Jaurlaritzak. Neurri nausia da lanaren kostearen ttipitzea. Enpresentako hogei miliar heineko zerga mailegü bat plantan ezarriko dü hiru urtez. Horien dirustatzeko, 10 miliar ekonomiak eginen dira gastü püblikoetan eta TVA delakoa bermoldatüko da beste erdiaren biltzeko. 2014eko urtarrilan taxa gorena 19,6tik % 20ala iraganen da, taxa erdikoa, ostalaritzan eta etxebizitzen arraberritzean aplikatzen dena 7tik %10eala goratüko da eta azkenean janariaren gainekoa 5,5etik %5ala apaltüko da. Horrez gain, 2016an fiskalitate ekologikoa ere plantan ezarriko dü Gobernioak. Beste neurri franko plantan ezarriko dira, ikerketa eta berrikuntzaren  builtarazteko eta enpresen inbestizamentüen lagüntzeko banko pübliko bat sortüko da.

Entzün Artzai Mendiburu ekonomiaz aditürik dena : 

"Arranjatzea edo konpontzea", hona 2012ko geia Ondarkinen Gütitzeko Astearen kari. Dinamika hau Europatik jiten da prebentzione eta konzientzia baten bilarazteko. Gure euskaldean Bil ta Garbi sindikatak dü aste hau kudeatzen.  Bil ta Garbik Departamentüko Ofizialeko Kanberarekin anüer nümeriko bat sortü düe konpontzaleen zerrenda eta xehetarzünekin. Azken 25 urteetan, ondarkinak 3aldiz emendatü dira. 2009az geroztik Bil ta Garbik eraman düan lan baten ondorioz gure eskualdean, 2014ko % 7ez  apaltzeko xedea düe egün % 4ez delarik. Azkenik, Ondarkinen Gütitzeko Astearen kari kostaldean hitzordüak proposatürik dira. Xehetarzün güziak Bil ta Garbiren web günean.

Entzün Maite Davant Bil ta Garbi sindikateko animazailea : 

Manifestaldi historikoa, 15000 jente algarretatü dira azaroaren 10ean Baionan, Eüskal Preso eta Iheslari politikoen eskübideen errespetüaren galtatzeko. Manifestaldia Eüskal presoen senideek zabaltü düe, haien familiakoen argazkiak esküetan zütüelarik. Herrira plataformak Frantzia eta Espainiako Estatüer gatazkaren konponbidean ürratsen eramaiteko eskatzen deioie. Bestalde, Aurore Martin-en arrestatzea eta espainaratzea azkarki salatürik izan da neskenegünean. Martin familiari süstengü edo alkartarzün ekarteko 07.87.76.92.65 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.. Eta Aurore Martin-i idazteko, Aurore Martin Centro Penitenciario Madrid V, Ctra Comarcal 611, km 37,6, 28770 Soto del Real (Madrid).

Entzun Martine Bisauta Baionako haütetsia eta Alain Iriart Hiriburuko aüzapeza :