2014an Mauleko Herriko-Etxearen arrahartzeko exkerreko algarretatzea abioan da. Exkerreko Xiberoko Kolektiboa, Alderdi Komünista eta Liberté aldizkariaren agiantzetan, horren berri emanik izan da. Jadanik, Herriko Bozken prestatzeko lehen biltzarra egin da urtarilan berrogei bat jenteen parte hartzearekin. Mementoan, esküinak düan gehiengoa kanpoan ezarteko, algarretatze zabal bat nahi da egin jentetzia politikaren erdian ezarteko eta xede baten sortzeko. Dagün apirilaren 18an arrestiko 18.30tan zerbütxü günean beste biltzarre bat eginen da hasi lanaren jarraikitzeko.

Entzün Louis Labadot Alderdi Komünistakoa : 

2013ko aitzin-kontüak bozkatü dütü Mauleko Kontseilüak. Gei franko aipatürik izan dira eta inportantenak ziren legar emendatze txipi bat eta aitzin kontü ezberdinen honartzea. Legarrak %tarik 1ez emendatürik dirate, fonkzionamentüa ber heinean emendatzen delakoz. Aitzin kontüa, güti gora behera, igaran urteko bera izan behar leite, erran nahi beita 5 750 000 eurokoa. Bestalde, Irabarneko gaztelüaren aitzin kontüak ere honartürik izan dira 280 000 euroko heinean.

Entzün Mixel Etxebest Mauleko aüzapeza : 

Mauleko hiriaren itxüra hobetzeko, etxe-aitzineko arrafreskatze plana presentatürik izan da. Sos lagüntza emanen da etxeko jabeer, etxe-aitzina xahatzeko, tintatzeko eta prebokatzeko. Mauleko Herriko-Etxeak, kostüaren % 20a bere gain hartüko dü 1500 euro artino. Bi eremü finkatü dütü Herriko Etxeak. Maule-Gaineko plazaren üngürüa eta pea, Peko-Arrüa, plaza, Pyrénées eta Alsace Lorraine karrikak, hiri ützülia deitürik dena da bigerren eremüa. Interesatürik diren oro, Mauleko Herriko-Etxearekin hersatü behar da.

Entzün Mixel Etxebest Mauleko aüzapeza : 

Mauleko sü ehaileen elkaldiak 2012an emendatü dira, orotarat 428 elkaldi izan dira, aitzineko urtean 364 zirelarik. 2012a kanbio urtea izan da, alerta sistima berria plantan ezarririk izan beita. Orokorkian, sü ehaileen deitzeko sistema plantan baldin bada, bere alde txarrak erakusten dütü ere. Sü ehaileak bedera deitürik dira eta ez dira haboro algar biltzen elkaldi aitzin eta ondotik, bena gertakari larria delarik, süehaileak süstengü morala beharra dü. Kolektiboki eta etxekidüra mailan harremanak gibel egin düela azpimarratürik izan da, agiantzetako mintzaldietan. Mauleko kasernak, 36 süehaile eta 4 bedezi kontatzen dütü eta 8 gazte sartü dira iragan urtean.

Entzün Jesus Oliva Mauleko sü ehaileen kapitaina :