Sartzea nola iragan da? lanpostü galtze horrek zer ondoramen dü? xede nausiak zoin dira? Horiek eta beste esplikatzen deizkü Oihana Larrandabürü züzendari berriak: Oihana Larrandabürü:

Ipar euskal herri orotan bezala, xiberoan ere ostiralean jüntatze bat egin da xiberoko ikkastolako haur, aitetama eta erakasleekin. Erakasle eta hotx ahal eskaza salatzen düe berriz ere. 4100 haur aurten ikastolan eskolatüko dira dagün sartzean, seküla beno haboro, ahal beti gutiagoekin. Jiten ez den frantziako estadoaren jesto baten haidürü dira, beste eskolen ber ahaletaz hüllantzeko.. Manex Erdozainzi:

Xiberoan lehen mailako eskoletan sartzea egin da arrenküra handirik gabe, erran behar da eskola kasik oro, salbü Larraine, bibilkatürik izan direla RPI delakoan . Hala nula, Urdiñarbeko eskola eta Muskildikoa alkarrekin ari dira , lehen mailako azken 2 urtekoak Muskildin dira eta besteak oro Urdiñarben, 50 haurrekin sartzea egin düe eta haurren heiña berxia da azken urteetan. Gela elebidüna da eta etxeko eta erakasleentako eüskararen erakastea haurrer beharrezkoa da eta indar hanitx eginik da zentzü hortarat ; eskola denbora erdia eüskaraz egiteaz gain, kanpoko tenoretan edo bazkari denboran eüskara entzüten düe haurrek. 10 bat etxekoek euskara ikasten düe gaü eskolan. Sartzea eginik orai lanari lotüko dira eta aurten eskolako xedea izanen da müsikaren lantzea eta ikusgarri zerbait plantatzea. Danièle Etchecopar:

Blanquer, Frantziako hezkunde minixtroaren legea tzüntzürrian trebes baratzen da herri ttipietako eskoletan. Sohüta, Urdiñarbe-Müsküldi, Idauze-Mendi, ala Gotaiñe-Irabarneko eskoletan besteak beste, guraso, haur, herritar, ala haütetsiak bildü dira argazki baten egiteko. Honen helbürüa delarik, Blanquer minixtroaren lege asmüaren salatzea. 2020etik goiti obratü nahi den lege hau bozkatürik balitz, CM1 eta CM2ko haurrak kolegiotera joan behar lüküe, eta herri ttipietako eskoleri odol hüste bat ekarri, zerratzeko mehatxüak argiki ütziz. Egin argazkiak, Max Brisson senatariari helaraziak izanen dira, senadoreak direlakoz lürraldeen haütetsi bezala kontsideratürik. Departamentüko aüzapezen elkarteko bürüari mezü bat helarazirik izan zaio, herri güzietan ber argazkian eginik izan ditin, salatze honi indar emaiteko gisan… Bestalde, Eüskal Alkargoako Xiberoko adarrak ere mugimentü hau süstengatzen dü… Entzünik izanen diren ala ez, geroak erranen…. Léonie Aguergaray :